[๓๒๐] อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อาเสวนปจฺจเยน ปจฺจโย ปุริโม ปุริโม วิจาโร ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ วิจารสฺส จ อาเสวนปจฺจเยน ปจฺจโย ฯ
[๓๒๑] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อาเสวนปจฺจเยน ปจฺจโย ปุริมา ปุริมา อวิตกฺกวิจารมตฺตา ขนฺธา จ วิจาโร จ ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ อาเสวนปจฺจเยน ปจฺจโย ฯ
[๓๒๒] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อาเสวนปจฺจเยน ปจฺจโย ปุริมา ปุริมา อวิตกฺกวิจารมตฺตา ขนฺธา จ วิจาโร จ ปจฺฉิมสฺส ปจฺฉิมสฺส วิจารสฺส อาเสวนปจฺจเยน ปจฺจโย ฯ
[๓๒๓] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อาเสวนปจฺจเยน ปจฺจโย ปุริมา ปุริมา อวิตกฺกวิจารมตฺตา ขนฺธา จ วิจาโร จ ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ วิจารสฺส จ อาเสวนปจฺจเยน ปจฺจโย ฯ