[๓๒๔] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส อาเสวนปจฺจเยน ปจฺจโย ปุริมา ปุริมา สวิตกฺกสวิจารา ขนฺธา จ วิตกฺโก จ ปจฺฉิมานํ ปจฺฉิมานํ สวิตกฺกสวิจารานํ ขนฺธานํ อาเสวนปจฺจเยน ปจฺจโย อนุโลมญฺจ วิตกฺโก จ โคตฺรภุสฺส อนุโลมญฺจ วิตกฺโก จ โวทานสฺส โคตฺรภุ จ วิตกฺโก จ สวิตกฺกสวิจารสฺส มคฺคสฺส โวทานญฺจ วิตกฺโก จ สวิตกฺกสวิจารสฺส มคฺคสฺส อาเสวนปจฺจเยน ปจฺจโย ฯO

[๓๒๕] สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกวิจารมตฺตสฺส ธมฺมสฺส อาเสวนปจฺจเยน ปจฺจโย ปุริมา ปุริมา สวิตกฺกสวิจารา ขนฺธา จ วิตกฺโก จ ปจฺฉิมสฺส ปจฺฉิมสฺส วิตกฺกสฺส อาเสวนปจฺจเยน ปจฺจโย อวิตกฺกวิจารมตฺตสฺส ฌานสฺส ปริกมฺมญฺจ วิตกฺโก จ อวิตกฺกวิจารมตฺตสฺส ฌานสฺส อาเสวนปจฺจเยน ปจฺจโย โคตฺรภุ จ วิตกฺโก จ อวิตกฺกวิจารมตฺตสฺส มคฺคสฺส โวทานญฺจ วิตกฺโก จ อวิตกฺกวิจารมตฺตสฺส มคฺคสฺส อาเสวนปจฺจเยน ปจฺจโย ฯ

[๓๒๖] สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อาเสวนปจฺจเยน ปจฺจโย ทุติยสฺส ฌานสฺส ปริกมฺมญฺจ วิตกฺโก จ ทุติเย ฌาเน วิจารสฺส อาเสวนปจฺจเยน ปจฺจโย เนวสญฺญานาสญฺญายตนสฺส ปริกมฺมญฺจ วิตกฺโก จ ... ทิพฺพสฺส จกฺขุสฺส ปริกมฺมญฺจ วิตกฺโก จ ... อนาคตํสญาณสฺส ปริกมฺมญฺจ วิตกฺโก จ อนาคตํสญาณสฺส อาเสวนปจฺจเยน ปจฺจโย โคตฺรภุ จ วิตกฺโก จ อวิตกฺกอวิจารสฺส มคฺคสฺส วิจารสฺส จ อาเสวนปจฺจเยน ปจฺจโย โวทานญฺจ วิตกฺโก จ อวิตกฺกอวิจารสฺส มคฺคสฺส วิจารสฺส จ อาเสวนปจฺจเยน ปจฺจโย ฯ

[๓๒๗] สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อาเสวนปจฺจเยน ปจฺจโย อวิตกฺกวิจารมตฺตสฺส ฌานสฺส ปริกมฺมญฺจ วิตกฺโก จ อวิตกฺกวิจารมตฺตสฺส ฌานสฺส วิจารสฺส จ โคตฺรภุ จ วิตกฺโก จ อวิตกฺกวิจารมตฺตสฺส มคฺคสฺส วิจารสฺส จ โวทานญฺจ วิตกฺโก จ อวิตกฺกวิจารมตฺตสฺส มคฺคสฺส วิจารสฺส จ อาเสวนปจฺจเยน ปจฺจโย ฯ