[๓๓๒] สวิตกฺกสวิจาโร ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส กมฺมปจฺจเยน ปจฺจโย สหชาตา นานาขณิกา ฯ สหชาตา: สวิตกฺกสวิจารา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ปฏิสนฺธิกฺขเณ สวิตกฺกสวิจารา เจตนา สมฺปยุตฺตกานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ นานาขณิกา: สวิตกฺกสวิจารา เจตนา วิปากานํ สวิตกฺกสวิจารานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ

[๓๓๓] สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส กมฺมปจฺจเยน ปจฺจโย สหชาตา นานาขณิกา ฯ สหชาตา: สวิตกฺกสวิจารา เจตนา วิตกฺกสฺส จ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ปฏิสนฺธิกฺขเณ สวิตกฺกสวิจารา เจตนา วิตกฺกสฺส จ กฏตฺตา จ รูปานํ กมฺมปจฺจเยน ปจฺจโย ฯ นานาขณิกา: สวิตกฺกสวิจารา เจตนา วิปากสฺส วิตกฺกสฺส จ กฏตฺตา จ รูปานํ กมฺมปจฺจเยน ปจฺจโย ฯ

[๓๓๔] สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส กมฺมปจฺจเยน ปจฺจโย สหชาตา นานาขณิกา ฯ สหชาตา: สวิตกฺกสวิจารา เจตนา สมฺปยุตฺตกานํ ขนฺธานํ วิตกฺกสฺส จ กมฺมปจฺจเยน ปจฺจโย ปฏิสนฺธิกฺขเณ สวิตกฺกสวิจารา เจตนา สมฺปยุตฺตกานํ ขนฺธานํ วิตกฺกสฺส จ กมฺมปจฺจเยน ปจฺจโย ฯ นานาขณิกา: สวิตกฺกสวิจารา เจตนา วิปากานํ สวิตกฺกสวิจารานํ ขนฺธานํ วิตกฺกสฺส จ กมฺมปจฺจเยน ปจฺจโย ฯ

[๓๓๕] สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส กมฺมปจฺจเยน ปจฺจโย สหชาตา นานาขณิกา ฯ สหชาตา: สวิตกฺกสวิจารา เจตนา สมฺปยุตฺตกานํ ขนฺธานํ วิตกฺกสฺส จ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ปฏิสนฺธิกฺขเณ สวิตกฺกสวิจารา เจตนา สมฺปยุตฺตกานํ ขนฺธานํ วิตกฺกสฺส จ กฏตฺตา จ รูปานํ กมฺมปจฺจเยน ปจฺจโย ฯ นานาขณิกา: สวิตกฺกสวิจารา เจตนา วิปากานํ สวิตกฺกสวิจารานํ ขนฺธานํ วิตกฺกสฺส จ กฏตฺตา จ รูปานํ กมฺมปจฺจเยน ปจฺจโย ฯ