[๓๔๔] อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส วิปากปจฺจเยน ปจฺจโย วิปาโก วิจาโร อวิตกฺกวิจารมตฺตานํ ขนฺธานํ วิปากปจฺจเยน ปจฺจโย ปฏิสนฺธิกฺขเณ วิปาโก วิจาโร อวิตกฺกวิจารมตฺตานํ ขนฺธานํ วิปากปจฺจเยน ปจฺจโย ฯ

[๓๔๕] อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส วิปากปจฺจเยน ปจฺจโย วิปาโก วิจาโร อวิตกฺกวิจารมตฺตานํ ขนฺธานํ จิตฺตสมุฏฺฐานานญฺจ รูปานํ วิปากปจฺจเยน ปจฺจโย ปฏิสนฺธิกฺขเณ วิปาโก วิจาโร อวิตกฺกวิจารมตฺตานํ ขนฺธานํ กฏตฺตา จ รูปานํ วิปากปจฺจเยน ปจฺจโย ฯ

[๓๔๖] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส วิปากปจฺจเยน ปจฺจโย วิปาโก อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ วิปากปจฺจเยน ปจฺจโย เทฺว ขนฺธา ... ปฏิสนฺธิกฺขเณ ... ฯ

[๓๔๗] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส วิปากปจฺจเยน ปจฺจโย วิปากา อวิตกฺกวิจารมตฺตา ขนฺธา จ วิจาโร จ จิตฺตสมุฏฺฐานานํ รูปานํ วิปากปจฺจเยน ปจฺจโย ปฏิสนฺธิกฺขเณ อวิตกฺกวิจารมตฺตา ขนฺธา จ วิจาโร จ กฏตฺตารูปานํ วิปากปจฺจเยน ปจฺจโย ฯ