[๓๖๔] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส ฌานปจฺจเยน ปจฺจโย สวิตกฺกสวิจารานิ ฌานงฺคานิใ สมฺปยุตฺตกานํ ขนฺธานํ ฌานปจฺจเยน ปจฺจโย ปฏิสนฺธิกฺขเณ ... ฯ สวิตกฺกสวิจารมูลกา สตฺต ปญฺหา อิมินา การเณน วิภชิตพฺพา ฯ
[๓๖๕] อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส ฌานปจฺจเยน ปจฺจโย อวิตกฺกวิจารมตฺตานิ ฌานงฺคานิ สมฺปยุตฺตกานํ ขนฺธานํ ฌานปจฺจเยน ปจฺจโย ปฏิสนฺธิกฺขเณ ... ฯ อวิตกฺกวิจารมตฺตมูลกา ปญฺจ ปญฺหา อิมินา การเณน วิภชิตพฺพา ฯ
[๓๖๖] อวิตกฺกอวิจาโร ธมฺโม อวิตกฺกอวิจารสฺส ธมฺมสฺส ฌานปจฺจเยน ปจฺจโย อวิตกฺกอวิจารานิ ฌานงฺคานิ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ ฌานปจฺจเยน ปจฺจโย วิจาโร จิตฺตสมุฏฺฐานานํ รูปานํ ฌานปจฺจเยน ปจฺจโย ปฏิสนฺธิกฺขเณ วิจาโร กฏตฺตารูปานํ ฌานปจฺจเยน ปจฺจโย วิจาโร วตฺถุสฺส ฌานปจฺจเยน ปจฺจโย ฯ
[๓๖๗] อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส ฌานปจฺจเยน ปจฺจโย วิจาโร อวิตกฺกวิจารมตฺตานํ ขนฺธานํ ฌานปจฺจเยน ปจฺจโย ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ ฌานปจฺจเยน ปจฺจโย ฯ