TIPITAKA Volume 41 : PALI ROMAN Abhidhamma Pitaka Vol 8 : Abhi. Pa.(2) Anulomatikapaṭṭhānaṃ pacchimaṃ Maggārammaṇattikaṃ paṭiccavāro

[1768] Maggārammaṇaṃ dhammaṃ paṭicca maggārammaṇo dhammo uppajjati hetupaccayā maggārammaṇaṃ ekaṃ khandhaṃ paṭicca tayo khandhā dve khandhe ... . maggārammaṇaṃ dhammaṃ paṭicca maggādhipati dhammo uppajjati hetupaccayā maggārammaṇaṃ ekaṃ khandhaṃ paṭicca maggādhipatī tayo khandhā tayo khandhe paṭicca eko khandho dve khandhe .... Maggārammaṇaṃ dhammaṃ paṭicca maggārammaṇo ca maggādhipati ca dhammā uppajjanti hetupaccayā maggārammaṇaṃ ekaṃ khandhaṃ paṭicca maggārammaṇā ca maggādhipatī ca tayo khandhā dve khandhe ....