TIPITAKA Volume 41 : PALI ROMAN Abhidhamma Pitaka Vol 8 : Abhi. Pa.(2) Anulomatikapaṭṭhānaṃ pacchimaṃ Ācayagāmittikaṃ paṭiccavāro

[1016] Ācayagāmiṃ dhammaṃ paṭicca ācayagāmi dhammo uppajjati hetupaccayā ācayagāmiṃ ekaṃ khandhaṃ paṭicca tayo khandhā dve khandhe paṭicca dve khandhā . ācayagāmiṃ dhammaṃ paṭicca nevācayagāmi- nāpacayagāmi dhammo uppajjati hetupaccayā ācayagāmī khandhe paṭicca cittasamuṭṭhānaṃ rūpaṃ . ācayagāmiṃ dhammaṃ paṭicca ācayagāmi ca nevācayagāmināpacayagāmi ca dhammā uppajjanti hetupaccayā ācayagāmiṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe paṭicca dve khandhā cittasamuṭṭhānañca rūpaṃ.