ปัฏฐาน ภาค ๓

๒. ทุกปฏฺฐานวณฺณนา

ทุกปฏฺฐาเนปิ สพฺพทุเกสุ ปญฺหาวิสฺสชฺชนานิ เจว คณนา จ ปาลิยํ อาคตนเยเนว เวทิตพฺพา. อปิเจตฺถ สเหตุกเหตุสมฺปยุตฺตทุกานํ วิสฺสชฺชนํ เหตุทุกวิสฺสชฺชนสทิสํ. ตถา เหตุ เจว สเหตุกเหตุ จ เหตุสมฺปยุตฺตทุกานํ. ตถา สปฺปจฺจยสงฺขตทุกานํ. อิทํ ทุกํ ยถา สปฺปจฺจยทุกํ, เอวํ กาตพฺพนฺติ อิทํ ยสฺมา สปฺปจฺจโย วิย อปฺปจฺจเยน, สงฺขโตปิ อสงฺขเตน สทฺธึ โยชนํ น ลพฺภติ, ตสฺมา วุตฺตํ. สารมฺมณจิตฺตสมฺปยุตฺตสํสฏฺฐทุกาปิ สทิสวิสฺสชฺชนาเยว. ตถา อาสวโอฆโยคโคจฺฉกา. เอเตปิ ๒- หิ ตโย อญฺญมญฺญสทิสวิสฺสชฺชนาเยว.