[๔๘๗] สญฺโญชโนเจวสญฺโญชนสมฺปยุตฺโตจ ธมฺโม สญฺโญชนสฺสเจวสญฺโญชนสมฺปยุตฺตสฺสจ ธมฺมสฺส เหตุปจฺจเยน ปจฺจโย: กามราคสญฺโญชนํ ทิฏฺฐิสญฺโญชนสฺส อวิชฺชาสญฺโญชนสฺส เหตุปจฺจเยน ปจฺจโย จกฺกํ ฯ สญฺโญชโนเจวสญฺโญชนสมฺปยุตฺโตจ ธมฺโม สญฺโญชนสมฺปยุตฺตสฺสเจวโนจสญฺโญชนสฺส ธมฺมสฺส เหตุปจฺจเยน ปจฺจโย: สญฺโญชนาเจวสญฺโญชนสมฺปยุตฺตาจ เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ สญฺโญชโนเจว- *สญฺโญชนสมฺปยุตฺโตจ ธมฺโม สญฺโญชนสฺสเจวสญฺโญชนสมฺปยุตฺตสฺสจ สญฺโญชนสมฺปยุตฺตสฺสเจวโนจสญฺโญชนสฺส จ ธมฺมสฺส เหตุปจฺจเยน ปจฺจโย: กามราคสญฺโญชนํ ทิฏฺฐิสญฺโญชนสฺส อวิชฺชาสญฺโญชนสฺส สมฺปยุตฺตกานญฺจ ขนฺธานํ เหตุปจฺจเยน ปจฺจโย ฯ

[๔๘๘] สญฺโญชโนเจวสญฺโญชนสมฺปยุตฺโตจ ธมฺโม สญฺโญชนสฺสเจวสญฺโญชนสมฺปยุตฺตสฺส ธมฺมสฺส อารมฺมณปจฺจเยน ปจฺจโย: สญฺโญชเน อารพฺภ สญฺโญชนา อุปฺปชฺชนฺติ ฯ มูลํ กาตพฺพํ สญฺโญชเน อารพฺภ สญฺโญชนสมฺปยุตฺตาเจวโนจสญฺโญชนาจ ขนฺธา อุปฺปชฺชนฺติ ฯ มูลํ กาตพฺพํ สญฺโญชเน อารพฺภ สญฺโญชนา สญฺโญชนสมฺปยุตฺตาจ ขนฺธา อุปฺปชฺชนฺติ ฯ สญฺโญชนสมฺปยุตฺโตเจว- *โนจสญฺโญชโน ธมฺโม สญฺโญชนสมฺปยุตฺตสฺสเจวโนจสญฺโญชนสฺส ธมฺมสฺส อารมฺมณปจฺจเยน ปจฺจโย: สญฺโญชนสมฺปยุตฺเตเจวโนจสญฺโญชเน ขนฺเธ อารพฺภ สญฺโญชนสมฺปยุตฺตาเจวโนจสญฺโญชนา ขนฺธา อุปฺปชฺชนฺติ ฯ สญฺโญชนสมฺปยุตฺโตเจวโนจสญฺโญชโน ธมฺโม สญฺโญชนสฺสเจวสญฺโญชนสมฺปยุตฺตสฺสจ ธมฺมสฺส อารมฺมณปจฺจเยน ปจฺจโย: สญฺโญชนสมฺปยุตฺเตเจวโนจสญฺโญชเน ขนฺเธ อารพฺภ สญฺโญชนา อุปฺปชฺชนฺติ ฯ สญฺโญชนสมฺปยุตฺโตเจวโนจสญฺโญชโน ธมฺโม สญฺโญชนสฺสเจวสญฺโญชน- *สมฺปยุตฺตสฺส สญฺโญชนสมฺปยุตฺตสฺสเจวโนจสญฺโญชนสฺส จ ธมฺมสฺส อารมฺมณปจฺจเยน ปจฺจโย: สญฺโญชนสมฺปยุตฺเตเจว โนจสญฺโญชเน ขนฺเธ อารพฺภ สญฺโญชนา จ สญฺโญชนสมฺปยุตฺตา จ ขนฺธา อุปฺปชฺชนฺติ ฯ สญฺโญชโนเจวสญฺโญชนสมฺปยุตฺโตจ สญฺโญชนสมฺปยุตฺโตเจวโนจสญฺโญชโน จ ธมฺมา สญฺโญชนสฺสเจวสญฺโญชน- *สมฺปยุตฺตสฺสจ ธมฺมสฺส อารมฺมณปจฺจเยน ปจฺจโย: ตีณิ ฯ