TIPITAKA Volume 42 : PALI ROMAN Abhidhamma Pitaka Vol 9 : Abhi. Pa.(3) Anulomadukapaṭṭhānaṃ purimaṃ Pañhāvāro

[728] Parāmaṭṭhocevanocaparāmāso dhammo parāmaṭṭhassaceva- nocaparāmāsassa dhammassa hetupaccayena paccayo: parāmaṭṭhāceva- nocaparāmāsā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo paṭisandhi . parāmaṭṭhocevanocaparāmāso dhammo parāmāsassacevaparāmaṭṭhassaca dhammassa hetupaccayena paccayo: parāmaṭṭhācevanocaparāmāsā hetū parāmāsassa hetupaccayena paccayo . parāmaṭṭhocevanocaparāmāso dhammo parāmāsassacevaparāmaṭṭhassaca parāmaṭṭhassacevanocaparāmāsassa ca dhammassa hetupaccayena paccayo: parāmaṭṭhācevanocaparāmāsā hetū sampayuttakānaṃ khandhānaṃ parāmāsassa ca cittasamuṭṭhānānañca rūpānaṃ hetupaccayena paccayo.