TIPITAKA Volume 42 : PALI ROMAN Abhidhamma Pitaka Vol 9 : Abhi. Pa.(3) Anulomadukapaṭṭhānaṃ purimaṃ Pañhāvāro

[487] Saññojanocevasaññojanasampayuttoca dhammo saññojanassacevasaññojanasampayuttassaca dhammassa hetupaccayena paccayo: kāmarāgasaññojanaṃ diṭṭhisaññojanassa avijjāsaññojanassa hetupaccayena paccayo cakkaṃ . saññojanocevasaññojanasampayuttoca dhammo saññojanasampayuttassacevanocasaññojanassa dhammassa hetupaccayena paccayo: saññojanācevasaññojanasampayuttāca hetū sampayuttakānaṃ khandhānaṃ hetupaccayena paccayo . saññojanoceva- saññojanasampayuttoca dhammo saññojanassacevasaññojanasampayuttassaca saññojanasampayuttassacevanocasaññojanassa ca dhammassa hetupaccayena paccayo: kāmarāgasaññojanaṃ diṭṭhisaññojanassa avijjāsaññojanassa sampayuttakānañca khandhānaṃ hetupaccayena paccayo.