[๗๑๑] อุเปกฺขาสหคตํ ธมฺมํ สํสฏฺโฐ อุเปกฺขาสหคโต ธมฺโม อุปฺปชฺชติ เหตุปจฺจยา: อุเปกฺขาสหคตํ เอกํ ขนฺธํ สํสฏฺฐา เทฺว ขนฺธา เทฺว ขนฺเธ ... ปฏิสนฺธิ ฯ ยถา สวิตกฺกทุกํ เอวํ กาตพฺพํ ฯ

[๗๑๒] เหตุยา ฉ อารมฺมเณ ฉ สพฺพตฺถ ฉ อวิคเต ฉ ฯ

[๗๑๓] อุเปกฺขาสหคตํ ธมฺมํ สํสฏฺโฐ อุเปกฺขาสหคโต ธมฺโม อุปฺปชฺชติ นเหตุปจฺจยา: อเหตุกํ อุเปกฺขาสหคตํ เอกํ ขนฺธํ สํสฏฺฐา เทฺว ขนฺธา เทฺว ขนฺเธ ... อเหตุกปฏิสนฺธิกฺขเณ วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห ฯ เอวํ ปญฺจ ปญฺหา ยถา สวิตกฺกทุเก เอวํ กาตพฺพา ฯ

[๗๑๔] นเหตุยา ฉ นอธิปติยา ฉ นปุเรชาเต ฉ นปจฺฉาชาเต ฉ นอาเสวเน ฉ นกมฺเม จตฺตาริ นวิปาเก ฉ นวิปฺปยุตฺเต ฉ ฯ เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ ปญฺหาวาโร