TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Saṃsaṭṭhavāro

[652] Savitakkaṃ dhammaṃ saṃsaṭṭho savitakko dhammo uppajjati hetupaccayā: savitakkaṃ ekaṃ khandhaṃ saṃsaṭṭhā tayo khandhā dve khandhe ... paṭisandhikkhaṇe ... . savitakkaṃ dhammaṃ saṃsaṭṭho avitakko dhammo uppajjati hetupaccayā: savitakke khandhe saṃsaṭṭho vitakko . Savitakkaṃ dhammaṃ saṃsaṭṭho savitakko ca avitakko ca dhammā uppajjanti hetupaccayā: savitakkaṃ ekaṃ khandhaṃ saṃsaṭṭhā tayo khandhā vitakko ca dve khandhe ... paṭisandhikkhaṇe .pe. avitakkaṃ dhammaṃ saṃsaṭṭho avitakko dhammo uppajjati hetupaccayā: avitakkaṃ ekaṃ khandhaṃ saṃsaṭṭhā tayo khandhā paṭisandhikkhaṇe .pe. avitakkaṃ dhammaṃ saṃsaṭṭho savitakko dhammo uppajjati hetupaccayā: vitakkaṃ saṃsaṭṭhā sampayuttakā khandhā paṭisandhikkhaṇe ... . savitakkañca avitakkañca dhammaṃ saṃsaṭṭho savitakko dhammo uppajjati hetupaccayā: savitakkaṃ ekaṃ khandhañca vitakkañca saṃsaṭṭhā tayo khandhā dve khandhe ... Paṭisandhikkhaṇe .pe.

[653] Hetuyā cha ārammaṇe cha adhipatiyā cha sabbattha cha avigate cha.

[654] Savitakkaṃ dhammaṃ saṃsaṭṭho savitakko dhammo uppajjati nahetupaccayā: . evaṃ cha pañhā kātabbā anulomasadisā ahetukāti niyāmetabbā tīṇi yeva moho uddharitabbo.