TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Pañhāvāro

[683] Sappītiko dhammo sappītikassa dhammassa hetupaccayena paccayo: sappītikā hetū sampayuttakānaṃ khandhānaṃ hetupaccayena paccayo paṭisandhikkhaṇe .pe. sappītiko dhammo appītikassa dhammassa hetupaccayena paccayo: sappītikā hetū pītiyā ca citta- samuṭṭhānānañca rūpānaṃ hetupaccayena paccayo paṭisandhikkhaṇe .pe. mūlaṃ sappītikā hetū sampayuttakānaṃ khandhānaṃ pītiyā ca cittasamuṭṭhānānañca rūpānaṃ hetupaccayena paccayo paṭisandhikkhaṇe .pe. appītiko dhammo appītikassa dhammassa hetupaccayena paccayo: appītikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo paṭisandhikkhaṇe .pe.

[684] Sappītiko dhammo sappītikassa dhammassa ārammaṇapaccayena paccayo: sappītike khandhe ārabbha sappītikā khandhā uppajjanti . Mūlaṃ sappītike khandhe ārabbha appītikā khandhā ca pīti ca uppajjanti . mūlaṃ sappītike khandhe ārabbha sappītikā khandhā ca pīti ca uppajjanti . appītiko dhammo appītikassa dhammassa Ārammaṇapaccayena paccayo: appītikena cittena dānaṃ datvā sīlaṃ ... Uposathakammaṃ katvā appītikena cittena paccavekkhati assādeti abhinandati taṃ ārabbha appītiko rāgo uppajjati diṭṭhi uppajjati vicikicchā uppajjati uddhaccaṃ uppajjati domanassaṃ uppajjati {684.1} appītikā jhānā vuṭṭhahitvā ... Maggā vuṭṭhahitvā ... Phalā vuṭṭhahitvā appītikena cittena paccavekkhati ariyā appītikena cittena nibbānaṃ paccavekkhanti nibbānaṃ appītikassa gotrabhussa vodānassa maggassa phalassa āvajjanāya pītiyā ca ārammaṇapaccayena paccayo ariyā sappītikena cittena appītike pahīne kilese ... Vikkhambhite kilese ... Pubbe .pe. Cakkhuṃ ... Vatthuṃ ... appītike khandhe ca pītiñca appītikena cittena aniccato ... Vipassanti assādenti abhinandanti {684.2} taṃ ārabbha appītiko rāgo uppajjati domanassaṃ uppajjati dibbena cakkhunā .pe. phoṭṭhabbāyatanaṃ kāyaviññāṇassa ārammaṇa- paccayena paccayo appītikā khandhā iddhividhañāṇassa cetopariyañāṇassa pubbenivāsānussatiñāṇassa yathākammupagañāṇassa anāgataṃsañāṇassa āvajjanāya pītiyā ca ārammaṇapaccayena paccayo appītike khandhe ca pītiñca ārabbha appītikā khandhā ca pīti ca uppajjanti. {684.3} Appītiko dhammo sappītikassa dhammassa ārammaṇapaccayena paccayo: appītikena cittena dānaṃ datvā sīlaṃ ... Uposathakammaṃ ... Sappītikena cittena paccavekkhati assādeti abhinandati taṃ ārabbha sappītiko Rāgo uppajjati diṭṭhi uppajjati appītikā jhānā vuṭṭhahitvā ... Maggā vuṭṭhahitvā ... phalā vuṭṭhahitvā sappītikena cittena paccavekkhati ariyā sappītikena cittena nibbānaṃ paccavekkhanti nibbānaṃ sappītikassa gotrabhussa vodānassa maggassa phalassa ārammaṇapaccayena paccayo ariyā sappītikena cittena appītike pahīne kilese ... Vikkhambhite kilese ... Pubbe .pe. Cakkhuṃ ... Vatthuṃ ... Appītike khandhe ca pītiñca sappītikena cittena aniccato ... vipassanti assādenti abhinandanti taṃ ārabbha sappītiko rāgo uppajjati diṭṭhi uppajjati appītike khandhe ca pītiñca ārabbha sappītikā khandhā uppajjanti. {684.4} Appītiko dhammo sappītikassa ca appītikassa ca dhammassa ārammaṇapaccayena paccayo: appītikena cittena dānaṃ datvā sīlaṃ ... Uposathakammaṃ ... sappītikena cittena paccavekkhati assādeti abhinandati taṃ ārabbha sappītikā khandhā ca pīti ca uppajjanti appītikā jhānā ... maggā ... phalā vuṭṭhahitvā sappītikena cittena paccavekkhati ariyā sappītikena cittena nibbānaṃ paccavekkhanti nibbānaṃ sappītikassa gotrabhussa vodānassa maggassa phalassa pītiyā ca ārammaṇapaccayena paccayo ariyā sappītikena cittena appītike pahīne kilese paccavekkhanti vikkhambhite kilese ... pubbe .pe. Cakkhuṃ ... Vatthuṃ ... Appītike khandhe ca pītiñca sappītikena cittena aniccato ... vipassanti assādenti Abhinandanti {684.5} taṃ ārabbha sappītiko rāgo uppajjati diṭṭhi uppajjati appītike khandhe ca pītiñca ārabbha sappītikā khandhā ca pīti ca uppajjanti . sappītiko ca appītiko ca dhammā sappītikassa dhammassa ārammaṇapaccayena paccayo: sappītike khandhe ca pītiñca ārabbha sappītikā khandhā uppajjanti . mūlaṃ sappītike khandhe ca pītiñca ārabbha appītikā khandhā ca pīti ca uppajjanti . mūlaṃ sappītike khandhe ca pītiñca ārabbha sappītikā khandhā ca pīti ca uppajjanti.