ปัญหาวาร
TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Pañhāvāro
[99] Cetasiko dhammo cetasikassa dhammassa hetupaccayena paccayo: cetasikā hetū sampayuttakānaṃ khandhānaṃ hetupaccayena paccayo paṭisandhi . cetasiko dhammo acetasikassa dhammassa hetupaccayena paccayo: cetasikā hetū cittassa cittasamuṭṭhānānañca rūpānaṃ hetupaccayena paccayo paṭisandhi . cetasiko dhammo cetasikassa ca acetasikassa ca dhammassa hetupaccayena paccayo: cetasikā hetū sampayuttakānaṃ khandhānaṃ cittassa ca cittasamuṭṭhānānañca rūpānaṃ hetupaccayena paccayo paṭisandhi.
[100] Cetasiko dhammo cetasikassa dhammassa ārammaṇapaccayena paccayo: cetasike khandhe ārabbha cetasikā khandhā uppajjanti mūlaṃ pucchitabbaṃ cetasike khandhe ārabbha cittaṃ uppajjati . mūlaṃ pucchitabbaṃ cetasike khandhe ārabbha cetasikā khandhā ca cittañca Uppajjanti. {100.1} Acetasiko dhammo acetasikassa dhammassa ārammaṇa- paccayena paccayo: ariyā phalaṃ paccavekkhanti nibbānaṃ paccavekkhanti nibbānaṃ gotrabhussa vodānassa maggassa phalassa āvajjanāya ārammaṇapaccayena paccayo cakkhuṃ ... vatthuṃ acetasike khandhe aniccato vipassati assādeti abhinandati taṃ ārabbha cittaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti ceto- pariyañāṇena acetasikacittasamaṅgissa cittaṃ jānāti ākāsānañ- cāyatanaṃ .pe. ākiñcaññāyatanaṃ .pe. acetasikā khandhā iddhividhañāṇassa cetopariyañāṇassa pubbenivāsānussatiñāṇassa yathākammupagañāṇassa anāgataṃsañāṇassa āvajjanāya ārammaṇa- paccayena paccayo. {100.2} Acetasiko dhammo cetasikassa dhammassa ārammaṇa- paccayena paccayo: ariyā nibbānaṃ paccavekkhanti paṭhamagamanasadisaṃ . Cakkhuṃ ... vatthuṃ ... Acetasike khandhe aniccato .pe. domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti cetopariyañāṇena acetasike khandhe jānāti ākāsānañ- cāyatanaṃ ... ākiñcaññāyatanaṃ nevasaññānāsaññāyatanassa rūpāyatanaṃ cakkhuviññāṇasahagatānaṃ khandhānaṃ phoṭṭhabbāyatanaṃ ... Acetasikā khandhā iddhividhañāṇassa cetopariyañāṇassa pubbe- nivāsānussatiñāṇassa yathākammupagañāṇassa anāgataṃsañāṇassa āvajjanāya ārammaṇapaccayena paccayo . acetasiko dhammo Cetasikassa ca acetasikassa ca dhammassa ārammaṇapaccayena paccayo: ariyā nibbānaṃ paccavekkhanti paṭhamagamanasadisaṃ . cakkhuṃ ... vatthuṃ ... Acetasike khandhe aniccato vipassati assādeti abhinandati taṃ ārabbha cittañca sampayuttakā ca khandhā uppajjanti dibbena ... Saṅkhittaṃ . rūpāyatanaṃ cakkhuviññāṇassa sampayuttakānañca khandhānaṃ ārammaṇapaccayena paccayo phoṭṭhabbāyatanaṃ ... acetasikā khandhā iddhividhañāṇassa cetopariyañāṇassa pubbenivāsānussatiñāṇassa yathākammupagañāṇassa anāgataṃsañāṇassa āvajjanāya ārammaṇa- paccayena paccayo. {100.3} Cetasiko ca acetasiko ca dhammā cetasikassa dhammassa ārammaṇapaccayena paccayo: cetasike khandhe ca cittañca ārabbha cetasikā khandhā uppajjanti . mūlaṃ pucchitabbaṃ cetasike khandhe ca cittañca ārabbha cittaṃ uppajjati . mūlaṃ pucchitabbaṃ cetasike khandhe ca cittañca ārabbha cetasikā khandhā ca cittañca uppajjanti.