TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Paccayavāro

[728] Kāmāvacaraṃ dhammaṃ paccayā kāmāvacaro dhammo uppajjati hetupaccayā: kāmāvacaraṃ ekaṃ khandhaṃ paccayā tayo khandhā citta- samuṭṭhānañca rūpaṃ dve khandhe ... paṭisandhi yāva ajjhattikā mahābhūtā vatthuṃ paccayā kāmāvacarā khandhā . kāmāvacaraṃ dhammaṃ paccayā nakāmāvacaro dhammo uppajjati hetupaccayā: vatthuṃ paccayā nakāmāvacarā khandhā paṭisandhi . kāmāvacaraṃ dhammaṃ paccayā Kāmāvacaro ca nakāmāvacaro ca dhammā uppajjanti hetupaccayā: vatthuṃ paccayā nakāmāvacarā khandhā mahābhūte paccayā cittasamuṭṭhānaṃ rūpaṃ paṭisandhi . nakāmāvacaraṃ dhammaṃ paccayā nakāmāvacaro dhammo uppajjati hetupaccayā: tīṇi paṭiccasadisā. {728.1} Kāmāvacarañca nakāmāvacarañca dhammaṃ paccayā kāmāvacaro dhammo uppajjati hetupaccayā: paṭiccasadisā . kāmāvacarañca nakāmāvacarañca dhammaṃ paccayā nakāmāvacaro dhammo uppajjati hetupaccayā: nakāmāvacaraṃ ekaṃ khandhañca vatthuñca paccayā tayo khandhā dve khandhe ... paṭisandhi . kāmāvacarañca nakāmāvacarañca dhammaṃ paccayā kāmāvacaro ca nakāmāvacaro ca dhammā uppajjanti hetupaccayā: nakāmāvacaraṃ ekaṃ khandhañca vatthuñca paccayā tayo khandhā dve khandhe ... nakāmāvacare khandhe ca mahābhūte ca paccayā cittasamuṭṭhānaṃ rūpaṃ paṭisandhi. Saṅkhittaṃ.

[729] Hetuyā nava ārammaṇe cattāri adhipatiyā nava anantare cattāri samanantare cattāri sahajāte nava aññamaññe nava nissaye nava upanissaye cattāri purejāte cattāri āsevane cattāri kamme nava avigate nava.

[730] Kāmāvacaraṃ dhammaṃ paccayā kāmāvacaro dhammo uppajjati nahetupaccayā: ahetukaṃ kāmāvacaraṃ ekaṃ khandhaṃ paccayā ... Ahetuka- paṭisandhi yāva asaññasattā cakkhāyatanaṃ paccayā cakkhuviññāṇaṃ Kāyāyatanaṃ ... vatthuṃ paccayā ahetukā kāmāvacarā khandhā vicikicchā- sahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. ... Naārammaṇapaccayā:.