TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Pañhāvāro

[240] Cittasaṃsaṭṭhasamuṭṭhāno dhammo cittasaṃsaṭṭhasamuṭṭhānassa dhammassa hetupaccayena paccayo: cittasaṃsaṭṭhasamuṭṭhānā hetū sampayuttakānaṃ khandhānaṃ hetupaccayena paccayo paṭisandhi . mūlaṃ kātabbaṃ cittasaṃsaṭṭhasamuṭṭhānā hetū cittassa cittasamuṭṭhānānañca rūpānaṃ hetupaccayena paccayo paṭisandhi . mūlaṃ kātabbaṃ cittasaṃsaṭṭha- samuṭṭhānā hetū sampayuttakānaṃ khandhānaṃ cittassa ca citta- samuṭṭhānānañca rūpānaṃ hetupaccayena paccayo paṭisandhi.

[241] Cittasaṃsaṭṭhasamuṭṭhāno dhammo cittasaṃsaṭṭhasamuṭṭhānassa dhammassa ārammaṇapaccayena paccayo: cittasaṃsaṭṭhasamuṭṭhāne khandhe ārabbha cittasaṃsaṭṭhasamuṭṭhānā khandhā uppajjanti . mūlaṃ kātabbaṃ cittasaṃsaṭṭhasamuṭṭhāne khandhe ārabbha cittaṃ uppajjati . mūlaṃ kātabbaṃ cittasaṃsaṭṭhasamuṭṭhāne khandhe ārabbha cittañca sampayuttakā ca khandhā uppajjanti . nocittasaṃsaṭṭhasamuṭṭhāno dhammo nocittasaṃsaṭṭha- samuṭṭhānassa dhammassa ārammaṇapaccayena paccayo: ariyā nibbānaṃ paccavekkhanti nibbānaṃ gotrabhussa . saṅkhittaṃ . yathā cittasahabhuduke ārammaṇaṃ evaṃ kātabbaṃ ninnānākaraṇaṃ navapi pañhā.

[242] Cittasaṃsaṭṭhasamuṭṭhāno dhammo cittasaṃsaṭṭhasamuṭṭhānassa dhammassa adhipatipaccayena paccayo: ārammaṇādhipati sahajātādhipati Tīṇi . dvepi adhipatī kātabbā . nocittasaṃsaṭṭhasamuṭṭhāno dhammo nocittasaṃsaṭṭhasamuṭṭhānassa dhammassa adhipatipaccayena paccayo: ārammaṇādhipati sahajātādhipati tīṇi . dvepi adhipatī kātabbā . Cittasaṃsaṭṭhasamuṭṭhāno ca nocittasaṃsaṭṭhasamuṭṭhāno ca dhammā cittasaṃsaṭṭhasamuṭṭhānassa dhammassa adhipatipaccayena paccayo: ārammaṇādhipati . ekāyeva adhipati kātabbā navapi pañhā yathā cittasahabhudukaṃ evaṃ kātabbā ninnānākaraṇaṃ.