TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Paccayavāro

[266] Ajjhattikaṃ dhammaṃ paccayā ajjhattiko dhammo uppajjati hetupaccayā: tīṇi paṭiccasadisā . bāhiraṃ dhammaṃ paccayā bāhiro dhammo uppajjati hetupaccayā: bāhiraṃ ekaṃ khandhaṃ paccayā dve khandhā cittasamuṭṭhānañca rūpaṃ dve khandhe ... paṭisandhikkhaṇe dvepi kātabbā yāva ajjhattikā mahābhūtā vatthuṃ Paccayā bāhirā khandhā . bāhiraṃ dhammaṃ paccayā ajjhattiko dhammo uppajjati hetupaccayā: bāhire khandhe paccayā cittaṃ vatthuṃ paccayā cittaṃ paṭisandhikkhaṇe dvepi kātabbā . bāhiraṃ dhammaṃ paccayā ajjhattiko ca bāhiro ca dhammā uppajjanti hetupaccayā: bāhiraṃ ekaṃ khandhaṃ paccayā dve khandhā cittasamuṭṭhānañca rūpaṃ dve khandhe ... vatthuṃ paccayā cittaṃ sampayuttakā ca khandhā paṭisandhikkhaṇe dvepi kātabbā. {266.1} Ajjhattikañca bāhirañca dhammaṃ paccayā ajjhattiko dhammo uppajjati hetupaccayā: paṭisandhikkhaṇe cittañca sampayuttake ca khandhe paccayā ajjhattikaṃ kaṭattārūpaṃ . ajjhattikañca bāhirañca dhammaṃ paccayā bāhiro dhammo uppajjati hetupaccayā: bāhiraṃ ekaṃ khandhañca cittañca paccayā dve khandhā cittasamuṭṭhānañca rūpaṃ cittañca mahābhūte ca paccayā cittasamuṭṭhānaṃ rūpaṃ cittañca vatthuñca paccayā bāhirā khandhā paṭisandhikkhaṇe tīṇipi kātabbā . ajjhattikañca bāhirañca dhammaṃ paccayā ajjhattiko ca bāhiro ca dhammā uppajjanti hetupaccayā: paṭisandhikkhaṇe bāhiraṃ ekaṃ khandhañca cittañca paccayā dve khandhā ajjhattikañca bāhirañca kaṭattārūpaṃ dve khandhe ....

[267] Ajjhattikaṃ dhammaṃ paccayā ajjhattiko dhammo uppajjati ārammaṇapaccayā: cakkhāyatanaṃ paccayā cakkhuviññāṇaṃ Kāyāyatanaṃ ... . ajjhattikaṃ dhammaṃ paccayā bāhiro dhammo uppajjati ārammaṇapaccayā: cakkhāyatanañca cakkhuviññāṇañca paccayā cakkhuviññāṇasahagatā khandhā kāyāyatanañca ... cittaṃ paccayā sampayuttakā khandhā paṭisandhikkhaṇe .pe. ajjhattikaṃ dhammaṃ paccayā ajjhattiko ca bāhiro ca dhammā uppajjanti ārammaṇapaccayā: cakkhāyatanaṃ paccayā cakkhuviññāṇaṃ sampayuttakā ca khandhā kāyāyatanaṃ ... . bāhiraṃ dhammaṃ paccayā bāhiro dhammo uppajjati ārammaṇapaccayā: bāhiraṃ ekaṃ khandhaṃ paccayā dve khandhā dve khandhe ... Paṭisandhikkhaṇe vatthuṃ paccayā bāhirā khandhā. {267.1} Bāhiraṃ dhammaṃ paccayā ajjhattiko dhammo uppajjati ārammaṇapaccayā: bāhire khandhe paccayā cittaṃ vatthuṃ paccayā cittaṃ paṭisandhikkhaṇe dvepi kātabbā . bāhiraṃ dhammaṃ paccayā ajjhattiko ca bāhiro ca dhammā uppajjanti ārammaṇapaccayā: vatthuṃ paccayā cittaṃ sampayuttakā ca khandhā paṭisandhikkhaṇe ekaṃ . ajjhattikañca bāhirañca dhammaṃ paccayā ajjhattiko dhammo uppajjati ārammaṇapaccayā: cakkhuviññāṇasahagate khandhe ca cakkhāyatanañca paccayā cakkhuviññāṇaṃ kāyaviññāṇasahagate .... {267.2} Ajjhattikañca bāhirañca dhammaṃ paccayā bāhiro dhammo uppajjati ārammaṇapaccayā: cakkhuviññāṇasahagataṃ ekaṃ khandhañca cakkhāyatanañca cakkhuviññāṇañca paccayā dve khandhā dve khandhe ... kāyaviññāṇasahagataṃ ... Bāhiraṃ ekaṃ khandhañca cittañca paccayā dve khandhā dve khandhe ... cittañca vatthuñca paccayā bāhirā khandhā paṭisandhikkhaṇe dvepi kātabbā . ajjhattikañca bāhirañca dhammaṃ paccayā ajjhattiko ca bāhiro ca dhammā uppajjanti ārammaṇapaccayā: cakkhuviññāṇasahagataṃ ekaṃ khandhañca cakkhāyatanañca paccayā dve khandhā cakkhuviññāṇañca dve khandhe .... Saṅkhittaṃ.