TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Pañhāvāro

[494] Kileso dhammo kilesassa dhammassa hetupaccayena paccayo: kilesā hetū sampayuttakānaṃ kilesānaṃ hetupaccayena paccayo . Mūlaṃ pucchitabbaṃ kilesā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo . mūlaṃ pucchitabbaṃ kilesā hetū sampayuttakānaṃ khandhānaṃ kilesānaṃ cittasamuṭṭhānānañca rūpānaṃ hetupaccayena paccayo . nokileso dhammo nokilesassa dhammassa hetupaccayena paccayo: nokilesā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo paṭisandhi.

[495] Kileso dhammo kilesassa dhammassa ārammaṇapaccayena Paccayo: kilese ārabbha kilesā uppajjanti . mūlaṃ pucchitabbaṃ kilese ārabbha nokilesā uppajjanti . mūlaṃ pucchitabbaṃ kilese ārabbha kilesā ca sampayuttakā ca khandhā uppajjanti . nokileso dhammo nokilesassa dhammassa ārammaṇapaccayena paccayo: dānaṃ ... Sīlaṃ ... uposathakammaṃ ... pubbe suciṇṇāni ... jhānā vuṭṭhahitvā jhānaṃ paccavekkhati assādeti abhinandati taṃ ārabbha rāgo ... Diṭṭhi vicikicchā uddhaccaṃ ... domanassaṃ uppajjati ariyā maggā vuṭṭhahitvā .pe. phalassa āvajjanāya ārammaṇapaccayena paccayo cakkhuṃ ... vatthuṃ ... nokilese khandhe aniccato .pe. domanassaṃ uppajjati dibbena cakkhunā rūpaṃ passati dibbāya sotadhātuyā .pe. anāgataṃsañāṇassa āvajjanāya ārammaṇapaccayena paccayo. {495.1} Nokileso dhammo kilesassa dhammassa ārammaṇa- paccayena paccayo: dānaṃ .pe. jhānā vuṭṭhahitvā jhānaṃ assādeti abhinandati taṃ ārabbha rāgo ... Diṭṭhi ... Vicikicchā ... Uddhaccaṃ .pe. Jhāne parihīne vippaṭisārissa domanassaṃ uppajjati cakkhuṃ ... Vatthuṃ ... Nokilese khandhe assādeti abhinandati taṃ ārabbha rāgo .pe. Domanassaṃ ... . nokileso dhammo kilesassa ca nokilesassa ca dhammassa ārammaṇapaccayena paccayo: dānaṃ .pe. jhānā vuṭṭhahitvā .pe. cakkhuṃ ... vatthuṃ ... nokilese khandhe assādeti abhinandati taṃ ārabbha kilesā ca sampayuttakā ca khandhā uppajjanti . Kileso ca nokileso ca dhammā kilesassa dhammassa ārammaṇapaccayena paccayo: tīṇi.