TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ upādādukaṃ paṭiccavāro

[293] Upādā dhammaṃ paṭicca noupādā dhammo uppajjati hetu- paccayā: paṭisandhikkhaṇe vatthuṃ paṭicca noupādā khandhā . Noupādā Dhammaṃ paṭicca noupādā dhammo uppajjati hetupaccayā: noupādā ekaṃ khandhaṃ paṭicca tayo khandhā noupādā ca cittasamuṭṭhānaṃ rūpaṃ dve khandhe ... paṭisandhikkhaṇe noupādā ekaṃ khandhaṃ paṭicca tayo khandhā noupādā ca kaṭattārūpaṃ dve khandhe ... Ekaṃ mahābhūtaṃ ... Dve mahābhūte paṭicca dve mahābhūtā. {293.1} Noupādā dhammaṃ paṭicca upādā dhammo uppajjati hetupaccayā: noupādā khandhe paṭicca upādā cittasamuṭṭhānaṃ rūpaṃ paṭisandhikkhaṇe mahābhūte paṭicca upādā cittasamuṭṭhānaṃ rūpaṃ kaṭattārūpaṃ upādārūpaṃ . noupādā dhammaṃ paṭicca upādā ca noupādā ca dhammā uppajjanti hetupaccayā: noupādā ekaṃ khandhaṃ paṭicca tayo khandhā upādā ca noupādā ca cittasamuṭṭhānaṃ rūpaṃ dve khandhe ... paṭisandhi . Upādā ca noupādā ca dhammaṃ paṭicca noupādā dhammo uppajjati hetupaccayā: paṭisandhikkhaṇe noupādā ekaṃ khandhañca vatthuñca paṭicca tayo khandhā dve khandhe ....

[294] Upādā dhammaṃ paṭicca noupādā dhammo uppajjati ārammaṇapaccayā: padhisandhikkhaṇe vatthuṃ paṭicca noupādā khandhā . noupādā dhammaṃ paṭicca noupādā dhammo uppajjati ārammaṇapaccayā: noupādā ekaṃ khandhaṃ paṭicca tayo khandhā dve khandhe ... paṭisandhikkhaṇe .pe. upādā ca noupādā ca dhammaṃ paṭicca noupādā dhammo uppajjati ārammaṇapaccayā: paṭisandhikkhaṇe Noupādā ekaṃ khandhañca vatthuñca paṭicca tayo khandhā dve khandhe ....

[295] Noupādā dhammaṃ paṭicca noupādā dhammo uppajjati adhipatipaccayā: noupādā ekaṃ khandhaṃ paṭicca tayo khandhā noupādā ca cittasamuṭṭhānaṃ rūpaṃ dve khandhe .... Noupādā dhammaṃ paṭicca upādā dhammo uppajjati adhipatipaccayā: noupādā khandhe paṭicca upādā cittasamuṭṭhānaṃ rūpaṃ . noupādā dhammaṃ paṭicca upādā ca noupādā ca dhammā uppajjanti adhipatipaccayā: noupādā ekaṃ khandhaṃ paṭicca tayo khandhā upādā ca noupādā ca cittasamuṭṭhānaṃ rūpaṃ dve khandhe ... . ... anantarapaccayā: tīṇi samanantarapaccayā: tīṇi sahajātapaccayā: pañca.