[299] Noupādā dhammaṃ paṭicca noupādā dhammo uppajjati naārammaṇapaccayā: noupādā khandhe paṭicca noupādā cittasamuṭṭhānaṃ rūpaṃ paṭisandhikkhaṇe ekaṃ mahābhūtaṃ yāva asaññasattā dve mahābhūte paṭicca dve mahābhūtā . noupādā dhammaṃ paṭicca upādā dhammo uppajjati naārammaṇapaccayā: noupādā khandhe paṭicca upādā cittasamuṭṭhānaṃ rūpaṃ paṭisandhikkhaṇe mahābhūte paṭicca upādā cittasamuṭṭhānaṃ rūpaṃ kaṭattārūpaṃ upādārūpaṃ yāva asaññasattā . Noupādā dhammaṃ paṭicca upādā ca noupādā ca dhammā uppajjanti naārammaṇapaccayā: noupādā khandhe paṭicca upādā ca noupādā ca cittasamuṭṭhānaṃ rūpaṃ paṭisandhi . ... Naadhipatipaccayā: pañca naanantara- paccayā: tīṇi . saṅkhittaṃ. ... Naupanissayapaccayā: napurejātapaccayā: pañca napacchājātapaccayā: pañca naāsevanapaccayā: pañca.

[300] Noupādā dhammaṃ paṭicca noupādā dhammo uppajjati Nakammapaccayā: noupādā khandhe paṭicca sampayuttakā cetanā bāhiraṃ ... āhārasamuṭṭhānaṃ ... utusamuṭṭhānaṃ ... dve mahābhūte paṭicca dve mahābhūtā . noupādā dhammaṃ paṭicca upādā dhammo uppajjati nakammapaccayā: bāhire ... āhārasamuṭṭhāne ... Utu- samuṭṭhāne mahābhūte paṭicca upādārūpaṃ . noupādā dhammaṃ paṭicca upādā ca noupādā ca dhammā uppajjanti nakammapaccayā: bāhiraṃ ... Āhārasamuṭṭhānaṃ ... utusamuṭṭhānaṃ ekaṃ mahābhūtaṃ paṭicca tayo mahābhūtā upādā ca rūpaṃ.

[301] Noupādā dhammaṃ paṭicca noupādā dhammo uppajjati navipākapaccayā: noupādā ekaṃ khandhaṃ paṭicca tayo khandhā noupādā ca cittasamuṭṭhānaṃ rūpaṃ ekaṃ mahābhūtaṃ yāva asaññasattā evaṃ tīṇi noupādāmūlake.

[302] Noupādā dhammaṃ paṭicca noupādā dhammo uppajjati naāhārapaccayā: bāhiraṃ ... utusamuṭṭhānaṃ ... asaññasattānaṃ ekaṃ mahābhūtaṃ ... dve mahābhūte paṭicca dve mahābhūtā. Noupādā dhammaṃ paṭicca upādā dhammo uppajjati naāhārapaccayā: bāhiraṃ ... Utusamuṭṭhānaṃ ... asaññasattānaṃ mahābhūte paṭicca upādārūpaṃ . Noupādā dhammaṃ paṭicca upādā ca noupādā ca dhammā uppajjanti naāhārapaccayā: bāhiraṃ ... utusamuṭṭhānaṃ ekaṃ mahābhūtaṃ paṭicca tayo mahābhūtā upādā ca rūpaṃ.