[329] Noupādā dhammo noupādā dhammassa vipākapaccayena paccayo: vipāko noupādā eko khandho tiṇṇannaṃ khandhānaṃ ... Paṭisandhi tīṇi.

[330] Upādā dhammo upādā dhammassa āhārapaccayena paccayo: kabaḷiṃkāro āhāro imassa upādā kāyassa āhārapaccayena paccayo . mūlaṃ pucchitabbaṃ kabaḷiṃkāro āhāro imassa noupādā kāyassa āhārapaccayena paccayo . mūlaṃ pucchitabbaṃ kabaḷiṃkāro āhāro imassa upādā kāyassa ca noupādā kāyassa ca āhārapaccayena paccayo . noupādā dhammo noupādā dhammassa āhārapaccayena paccayo: noupādā āhārā sampayuttakānaṃ khandhānaṃ noupādā ca cittasamuṭṭhānānaṃ rūpānaṃ āhārapaccayena paccayo paṭisandhikkhaṇe .pe. Noupādāmūlake tīṇi paṭisandhi.

[331] Upādā dhammo upādā dhammassa indriyapaccayena paccayo: rūpajīvitindriyaṃ upādā kaṭattārūpānaṃ indriyapaccayena paccayo . mūlaṃ pucchitabbaṃ cakkhundriyaṃ cakkhuviññāṇassa kāyindriyaṃ ... Rūpajīvitindriyaṃ noupādā kaṭattārūpānaṃ indriyapaccayena paccayo . Mūlaṃ pucchitabbaṃ rūpajīvitindriyaṃ upādā ca noupādā ca kaṭattārūpānaṃ indriyapaccayena paccayo . noupādā dhammo noupādā dhammassa indriyapaccayena paccayo: tīṇi paṭisandhi . upādā ca noupādā ca dhammā noupādā dhammassa indriyapaccayena paccayo: cakkhundriyañca cakkhuviññāṇañca cakkhuviññāṇasahagatānaṃ khandhānaṃ indriyapaccayena paccayo kāyindriyaṃ ....

[332] Noupādā dhammo noupādā dhammassa jhānapaccayena paccayo: tīṇi. ... Maggapaccayena paccayo: tīṇi paṭisandhi kātabbā. ... Sampayutta- paccayena paccayo: ekaṃ.