[346] Upādinnaṃ dhammaṃ paṭicca upādinno dhammo uppajjati naadhipatipaccayā: . ... naanantarapaccayā: nasamanantarapaccayā: naaññamaññapaccayā: naupanissayapaccayā:.

[347] Upādinnaṃ dhammaṃ paṭicca upādinno dhammo uppajjati napurejātapaccayā: arūpe upādinnaṃ ekaṃ khandhaṃ paṭicca tayo khandhā dve khandhe ... paṭisandhikkhaṇe upādinnaṃ ekaṃ khandhaṃ paṭicca tayo Khandhā kaṭattā ca rūpaṃ yāva asaññasattā . upādinnaṃ dhammaṃ paṭicca anupādinno dhammo uppajjati napurejātapaccayā: upādinne khandhe paṭicca cittasamuṭṭhānaṃ rūpaṃ . anupādinnaṃ dhammaṃ paṭicca anupādinno dhammo uppajjati napurejātapaccayā: arūpe anupādinnaṃ ekaṃ khandhaṃ paṭicca tayo khandhā dve khandhe ... Anupādinne khandhe paṭicca cittasamuṭṭhānaṃ rūpaṃ ekaṃ mahābhūtaṃ yāva asaññasattā utusamuṭṭhānaṃ . upādinnañca anupādinnañca dhammaṃ paṭicca anupādinno dhammo uppajjati napurejātapaccayā: upādinne khandhe ca mahābhūte ca paṭicca cittasamuṭṭhānaṃ rūpaṃ. ... Napacchājāta- paccayā: naāsevanapaccayā:.

[348] Anupādinnaṃ dhammaṃ paṭicca anupādinno dhammo uppajjati nakammapaccayā: anupādinne khandhe paṭicca anupādinnā cetanā bāhiraṃ ... Āhārasamuṭṭhānaṃ ... Utusamuṭṭhānaṃ ... .pe. Mahābhūte paṭicca upādārūpaṃ.

[349] Upādinnaṃ dhammaṃ paṭicca upādinno dhammo uppajjati navipākapaccayā: asaññasattānaṃ ekaṃ mahābhūtaṃ ... mahābhūte paṭicca kaṭattārūpaṃ upādārūpaṃ . anupādinnaṃ dhammaṃ paṭicca anupādinno dhammo uppajjati navipākapaccayā: anupādinnaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... Ekaṃ mahābhūtaṃ yāva utusamuṭṭhānaṃ.