[354] Upādinnaṃ dhammaṃ paṭicca anupādinno dhammo uppajjati navippayuttapaccayā: arūpe upādinnaṃ ekaṃ khandhaṃ paṭicca tayo khandhā dve khandhe ... asaññasattānaṃ ekaṃ mahābhūtaṃ paṭicca .... Anupādinnaṃ dhammaṃ paṭicca anupādinno dhammo uppajjati navippayuttapaccayā: arūpe anupādinnaṃ ekaṃ khandhaṃ paṭicca tayo khandhā dve khandhe ... Bāhiraṃ ... āhārasamuṭṭhānaṃ ... Utusamuṭṭhānaṃ ... .pe. ... Nonatthi- paccayā: novigatapaccayā:.

[355] Nahetuyā pañca naārammaṇe cattāri naadhipatiyā pañca naanantare cattāri nasamanantare cattāri naaññamaññe cattāri naupanissaye cattāri napurejāte cattāri napacchājāte pañca naāsevane pañca nakamme ekaṃ navipāke dve naāhāre dve naindriye dve najhāne dve namagge pañca nasampayutte cattāri navippayutte dve nonatthiyā cattāri novigate cattāri.

[356] Hetupaccayā naārammaṇe cattāri ... naadhipatiyā pañca napurejāte cattāri napacchājāte pañca naāsevane pañca nakamme ekaṃ navipāke ekaṃ nasampayutte cattāri navippayutte dve nonatthiyā cattāri novigate cattāri.

[357] Nahetupaccayā ārammaṇe dve ... anantare dve samanantare dve sahajāte pañca aññamaññe dve nissaye pañca upanissaye dve purejāte dve āsevane ekaṃ kamme pañca vipāke pañca magge ekaṃ sampayutte dve .pe. Avigate pañca. Sahajātavāro paṭiccavārasadiso.