TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Paccayavāro

[358] Upādinnaṃ dhammaṃ paccayā upādinno dhammo uppajjati Hetupaccayā: upādinnaṃ ekaṃ khandhaṃ paccayā tayo khandhā kaṭattā ca rūpaṃ dve khandhe ... paṭisandhikkhaṇe upādinnaṃ ekaṃ khandhaṃ paccayā tayo khandhā kaṭattā ca rūpaṃ dve khandhe ... Khandhe paccayā vatthu vatthuṃ paccayā khandhā ekaṃ mahābhūtaṃ ... mahābhūte paccayā kaṭattārūpaṃ upādārūpaṃ vatthuṃ paccayā upādinnā khandhā . upādinnaṃ dhammaṃ paccayā anupādinno dhammo uppajjati hetupaccayā: upādinne khandhe paccayā cittasamuṭṭhānaṃ rūpaṃ vatthuṃ paccayā anupādinnā khandhā. {358.1} Upādinnaṃ dhammaṃ paccayā upādinno ca anupādinno ca dhammā uppajjanti hetupaccayā: upādinnaṃ ekaṃ khandhaṃ paccayā tayo khandhā cittasamuṭṭhānañca rūpaṃ dve khandhe ... Ekaṃ mahābhūtaṃ ... Mahābhūte paccayā cittasamuṭṭhānaṃ rūpaṃ upādārūpaṃ . anupādinnaṃ dhammaṃ paccayā anupādinno dhammo uppajjati hetupaccayā: anupādinnaṃ ekaṃ khandhaṃ paccayā tayo khandhā cittasamuṭṭhānañca rūpaṃ dve khandhe ... Ekaṃ mahābhūtaṃ ... Mahābhūte paccayā cittasamuṭṭhānaṃ rūpaṃ upādārūpaṃ . upādinnañca anupādinnañca dhammaṃ paccayā anupādinno dhammo uppajjati hetupaccayā: upādinne khandhe ca mahābhūte ca paccayā cittasamuṭṭhānaṃ rūpaṃ anupādinnaṃ ekaṃ khandhañca vatthuñca paccayā tayo khandhā dve khandhe ....

[359] Upādinnaṃ dhammaṃ paccayā upādinno dhammo uppajjati ārammaṇapaccayā: upādinnaṃ ekaṃ khandhaṃ paccayā tayo khandhā Dve khandhe ... paṭisandhikkhaṇe vatthuṃ paccayā khandhā cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā upādinnā khandhā . upādinnaṃ dhammaṃ paccayā anupādinno dhammo uppajjati ārammaṇapaccayā: vatthuṃ paccayā anupādinnā khandhā . anupādinnaṃ dhammaṃ paccayā anupādinno dhammo uppajjati ārammaṇapaccayā: anupādinnaṃ ekaṃ khandhaṃ paccayā tayo khandhā dve khandhe ... . upādinnañca anupādinnañca dhammaṃ paccayā anupādinno dhammo uppajjati ārammaṇapaccayā: anupādinnaṃ ekaṃ khandhañca vatthuñca paccayā tayo khandhā dve khandhe ....