[372] Upādinno dhammo anupādinnassa dhammassa adhipatipaccayena paccayo: ārammaṇādhipati: cakkhuṃ ... kāyaṃ upādinne rūpe gandhe rase phoṭṭhabbe vatthuṃ ... anupādinne khandhe garuṃ katvā assādeti abhinandati taṃ garuṃ katvā rāgo uppajjati diṭṭhi uppajjati . Anupādinno dhammo anupādinnassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: dānaṃ ... Sīlaṃ ... Uposathakammaṃ katvā taṃ garuṃ katvā paccavekkhati assādeti abhinandati taṃ garuṃ katvā rāgo .pe. Diṭṭhi ... Pubbe ... Jhānā ... Ariyā maggā vuṭṭhahitvā maggaṃ garuṃ katvā paccavekkhanti phalaṃ ... Nibbānaṃ ... Nibbānaṃ gotrabhussa vodānassa maggassa phalassa adhipatipaccayena paccayo anupādinne rūpe ... Sadde ... Phoṭṭhabbe ... Anupādinne khandhe garuṃ katvā rāgo Uppajjati diṭṭhi uppajjati . sahajātādhipati: anupādinnā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo.

[373] Upādinno dhammo upādinnassa dhammassa anantara- paccayena paccayo: purimā purimā upādinnā khandhā pacchimānaṃ pacchimānaṃ upādinnānaṃ khandhānaṃ anantarapaccayena paccayo pañca- viññāṇaṃ vipākamanodhātuyā anantarapaccayena paccayo vipāka- manodhātu vipākamanoviññāṇadhātuyā anantarapaccayena paccayo. {373.1} Upādinno dhammo anupādinnassa dhammassa anantara- paccayena paccayo: bhavaṅgaṃ āvajjanāya vipākamanoviññāṇadhātu kiriyamanoviññāṇadhātuyā anantarapaccayena paccayo . anupādinno dhammo anupādinnassa dhammassa anantarapaccayena paccayo: purimā purimā anupādinnā khandhā pacchimānaṃ pacchimānaṃ anupādinnānaṃ khandhānaṃ anantarapaccayena paccayo anupādinnā khandhā vuṭṭhānassa anantarapaccayena paccayo anulomaṃ gotrabhussa phalasamāpattiyā anantarapaccayena paccayo. {373.2} Anupādinno dhammo upādinnassa dhammassa anantara- paccayena paccayo: āvajjanā pañcannaṃ viññāṇānaṃ anupādinnā khandhā vuṭṭhānassa anantarapaccayena paccayo . ... samanantarapaccayena paccayo: sahajātapaccayena paccayo: pañca paṭiccasadisā. ... Aññamañña- paccayena paccayo: dve paṭiccasadisā . ... Nissayapaccayena paccayo: Paccayavāre nissayasadisā pañca.