TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Cittadukaṃ paṭiccavāro

[40] Cittaṃ dhammaṃ paṭicca nocitto dhammo uppajjati hetupaccayā: cittaṃ paṭicca sampayuttakā khandhā cittasamuṭṭhānañca rūpaṃ paṭisandhik- khaṇe cittaṃ paṭicca sampayuttakā khandhā kaṭattā ca rūpaṃ . nocittaṃ dhammaṃ paṭicca nocitto dhammo uppajjati hetupaccayā: nocittaṃ ekaṃ khandhaṃ paṭicca dve khandhā cittasamuṭṭhānañca rūpaṃ dve khandhe paṭicca eko khandho cittasamuṭṭhānañca rūpaṃ paṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca .pe. nocittaṃ dhammaṃ paṭicca citto dhammo uppajjati hetupaccayā: nocitte khandhe paṭicca cittaṃ paṭisandhikkhaṇe nocitte khandhe paṭicca cittaṃ paṭisandhikkhaṇe vatthuṃ paṭicca cittaṃ. {40.1} Nocittaṃ dhammaṃ paṭicca citto ca nocitto ca dhammā uppajjanti hetupaccayā: nocittaṃ ekaṃ khandhaṃ paṭicca dve khandhā cittañca cittasamuṭṭhānañca rūpaṃ dve khandhe ... paṭisandhikkhaṇe nocittaṃ ekaṃ khandhaṃ paṭicca dve khandhā cittañca kaṭattā ca rūpaṃ dve khandhe paṭicca eko khandho cittañca kaṭattā ca rūpaṃ paṭisandhikkhaṇe vatthuṃ paṭicca cittañca sampayuttakā ca khandhā . Cittañca nocittañca dhammaṃ paṭicca nocitto dhammo uppajjati Hetupaccayā: nocittaṃ ekaṃ khandhañca cittañca paṭicca dve khandhā cittasamuṭṭhānañca rūpaṃ dve khandhe ... paṭisandhikkhaṇe nocittaṃ ekaṃ khandhañca cittañca paṭicca dve khandhā kaṭattā ca rūpaṃ dve khandhe ... Paṭisandhikkhaṇe cittañca vatthuñca paṭicca nocittā khandhā.

[41] Cittaṃ dhammaṃ paṭicca nocitto dhammo uppajjati ārammaṇa- paccayā: cittaṃ paṭicca sampayuttakā khandhā paṭisandhikkhaṇe .pe. Nocittaṃ dhammaṃ paṭicca nocitto dhammo uppajjati ārammaṇapaccayā: nocittaṃ ekaṃ khandhaṃ paṭicca dve khandhā dve khandhe ... Paṭisandhikkhaṇe vatthuṃ paṭicca khandhā . nocittaṃ dhammaṃ paṭicca citto dhammo uppajjati ārammaṇapaccayā: nocitte khandhe paṭicca cittaṃ paṭisandhikkhaṇe nocitte khandhe paṭicca cittaṃ paṭisandhikkhaṇe vatthuṃ paṭicca cittaṃ. {41.1} Nocittaṃ dhammaṃ paṭicca citto ca nocitto ca dhammā uppajjanti ārammaṇapaccayā: nocittaṃ ekaṃ khandhaṃ paṭicca dve khandhā cittañca dve khandhe paṭicca ... paṭisandhikkhaṇe nocittaṃ ekaṃ khandhaṃ paṭicca dve khandhā cittañca dve khandhe ... Paṭisandhikkhaṇe vatthuṃ paṭicca cittañca sampayuttakā ca khandhā . cittañca nocittañca dhammaṃ paṭicca nocitto dhammo uppajjati ārammaṇapaccayā: nocittaṃ ekaṃ khandhañca cittañca paṭicca dve khandhā dve khandhe ... Paṭisandhikkhaṇe cittañca vatthuñca paṭicca nocittā khandhā. Saṅkhittaṃ.