[42] Hetuyā pañca ārammaṇe pañca adhipatiyā pañca anantare pañca samanantare pañca sahajāte pañca aññamaññe pañca nissaye pañca upanissaye pañca purejāte pañca āsevane pañca kamme pañca vipāke pañca āhāre pañca indriye pañca jhāne pañca magge pañca sampayutte pañca vippayutte pañca atthiyā pañca natthiyā pañca vigate pañca avigate pañca.

[43] Cittaṃ dhammaṃ paṭicca nocitto dhammo uppajjati nahetupaccayā: ahetukaṃ cittaṃ paṭicca sampayuttakā khandhā cittasamuṭṭhānañca rūpaṃ ahetukapaṭisandhikkhaṇe cittaṃ vicikicchāsahagataṃ uddhaccasahagataṃ cittaṃ paṭicca vicikicchāsahagato uddhaccasahagato moho . nocittaṃ dhammaṃ paṭicca nocitto dhammo uppajjati nahetupaccayā: ahetukaṃ nocittaṃ ekaṃ khandhaṃ paṭicca dve khandhā cittasamuṭṭhānañca rūpaṃ dve khandhe ... ahetukapaṭisandhi yāva asaññasattā vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. {43.1} Nocittaṃ dhammaṃ paṭicca citto dhammo uppajjati nahetupaccayā: ahetuke nocitte khandhe paṭicca cittaṃ ahetuka- paṭisandhikkhaṇe nocitte khandhe paṭicca cittaṃ ahetukapaṭisandhikkhaṇe vatthuṃ paṭicca cittaṃ . nocittaṃ dhammaṃ paṭicca citto ca nocitto ca dhammā uppajjanti nahetupaccayā: ahetukaṃ nocittaṃ ekaṃ khandhaṃ Paṭicca dve khandhā cittañca cittasamuṭṭhānañca rūpaṃ dve khandhe .pe. ahetukapaṭisandhikkhaṇe vatthuṃ paṭicca cittañca sampayuttakā ca khandhā. {43.2} Cittañca nocittañca dhammaṃ paṭicca nocitto dhammo uppajjati nahetupaccayā: ahetukaṃ nocittaṃ ekaṃ khandhañca cittañca paṭicca dve khandhā cittasamuṭṭhānañca rūpaṃ dve khandhe ... Ahetuka- paṭisandhikkhaṇe nocittaṃ ekaṃ khandhañca cittañca paṭicca dve khandhā kaṭattā ca rūpaṃ dve khandhe ... Ahetukapaṭisandhikkhaṇe cittañca vatthuñca paṭicca nocittā khandhā vicikicchāsahagataṃ uddhaccasahagataṃ cittañca sampayuttake ca khandhe paṭicca vicikicchāsahagato uddhacca- sahagato moho.