[448] Upādānavippayutto dhammo upādānavippayuttassa dhammassa purejātapaccayena paccayo: ārammaṇapurejātaṃ vatthupurejātaṃ . Ārammaṇapurejātaṃ: cakkhuṃ ... vatthuṃ aniccato .pe. Domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti rūpāyatanaṃ cakkhuviññāṇassa phoṭṭhabbāyatanaṃ ... . vatthupurejātaṃ: cakkhāyatanaṃ cakkhuviññāṇassa kāyāyatanaṃ ... vatthu upādānavippayuttānaṃ khandhānaṃ lobhassa ca purejātapaccayena paccayo. {448.1} Upādānavippayutto dhammo upādānasampayuttassa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ: Cakkhuṃ ... vatthuṃ assādeti abhinandati taṃ ārabbha rāgo uppajjati diṭṭhi uppajjati . vatthupurejātaṃ: vatthu upādānasampayuttānaṃ khandhānaṃ purejātapaccayena paccayo . upādānavippayutto dhammo upādānasampayuttassa ca upādānavippayuttassa ca dhammassa purejātapaccayena paccayo: ārammaṇapurejātaṃ vatthupurejātaṃ . Ārammaṇapurejātaṃ: cakkhuṃ ... vatthuṃ ārabbha diṭṭhigatavippayuttalobha- sahagatā khandhā ca lobho ca uppajjanti. Vatthupurejātaṃ: vatthu diṭṭhigatavippayuttalobhasahagatānaṃ khandhānaṃ lobhassa ca purejāta- paccayena paccayo.
[449] Upādānasampayutto dhammo upādānavippayuttassa dhammassa pacchājātapaccayena paccayo: . saṅkhittaṃ . upādānavippayutto dhammo upādānavippayuttassa dhammassa pacchājātapaccayena paccayo: . Saṅkhittaṃ . upādānasampayutto ca upādānavippayutto ca dhammā upādānavippayuttassa dhammassa pacchājātapaccayena paccayo: . Saṅkhittaṃ. ... Āsevanapaccayena paccayo:.
[450] Upādānasampayutto dhammo upādānasampayuttassa dhammassa kammapaccayena paccayo: upādānasampayuttā cetanā sampayuttakānaṃ khandhānaṃ kammapaccayena paccayo . upādānasampayutto dhammo upādānavippayuttassa dhammassa kammapaccayena paccayo: sahajātā nānākhaṇikā . sahajātā: upādānasampayuttā cetanā Cittasamuṭṭhānānaṃ rūpānaṃ kammapaccayena paccayo diṭṭhigatavippayutta- lobhasahagatā cetanā lobhassa cittasamuṭṭhānānañca rūpānaṃ kammapaccayena paccayo . nānākhaṇikā: upādānasampayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. {450.1} Upādānasampayutto dhammo upādānasampayuttassa ca upādānavippayuttassa ca dhammassa kammapaccayena paccayo: upādānasampayuttā cetanā sampayuttakānaṃ khandhānaṃ citta- samuṭṭhānānañca rūpānaṃ kammapaccayena paccayo diṭṭhigata- vippayuttalobhasahagatā cetanā sampayuttakānaṃ khandhānaṃ lobhassa ca cittasamuṭṭhānānañca rūpānaṃ kammapaccayena paccayo . upādāna- vippayutto dhammo upādānavippayuttassa dhammassa kammapaccayena paccayo: sahajātā nānākhaṇikā . sahajātā: upādānavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nānākhaṇikā: upādānavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo.