TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Pañhāvāro

[594] Bhāvanāyapahātabbo dhammo bhāvanāyapahātabbassa dhammassa hetupaccayena paccayo: bhāvanāyapahātabbā hetū sampayuttakānaṃ khandhānaṃ hetupaccayena paccayo: tīṇi . nabhāvanāyapahātabbo dhammo nabhāvanāyapahātabbassa dhammassa hetupaccayena paccayo:. Saṅkhittaṃ.

[595] Bhāvanāyapahātabbo dhammo bhāvanāyapahātabbassa dhammassa ārammaṇapaccayena paccayo: bhāvanāyapahātabbaṃ rāgaṃ assādeti abhinandati taṃ ārabbha bhāvanāyapahātabbo rāgo ... Uddhaccaṃ ... Bhāvanāyapahātabbaṃ domanassaṃ ... uddhaccaṃ ārabbha uddhaccaṃ uppajjati bhāvanāyapahātabbaṃ domanassaṃ uppajjati bhāvanāyapahātabbaṃ domanassaṃ ārabbha bhāvanāyapahātabbaṃ domanassaṃ ... uddhaccaṃ uppajjati. {595.1} Bhāvanāyapahātabbo dhammo nabhāvanāyapahātabbassa dhammassa ārammaṇapaccayena paccayo: ariyā bhāvanāyapahātabbe pahīne kilese ... vikkhambhite kilese ... pubbe samudāciṇṇe ... Bhāvanāyapahātabbe khandhe aniccato ... vipassanti assādenti abhinandanti taṃ ārabbha nabhāvanāyapahātabbo rāgo uppajjati diṭṭhi ... vicikicchā ... nabhāvanāyapahātabbaṃ domanassaṃ uppajjati Cetopariyañāṇena bhāvanāyapahātabbacittasamaṅgissa cittaṃ jānanti bhāvanāyapahātabbā khandhā cetopariyañāṇassa pubbenivāsānussati- ñāṇassa .pe. anāgataṃsañāṇassa āvajjanāya ārammaṇapaccayena paccayo. {595.2} Nabhāvanāyapahātabbo dhammo nabhāvanāyapahātabbassa dhammassa ārammaṇapaccayena paccayo: dānaṃ ... Sīlaṃ ... Uposathakammaṃ katvā taṃ paccavekkhati assādeti abhinandati taṃ ārabbha nabhāvanāyapahātabbo rāgo uppajjati diṭṭhi ... vicikicchā ... Nabhāvanāyapahātabbaṃ domanassaṃ uppajjati pubbe .pe. jhānā .pe. ariyā maggā vuṭṭhahitvā .pe. Phalassa āvajjanāya ārammaṇapaccayena paccayo ariyā nabhāvanāyapahātabbe pahīne kilese .pe. Cakkhuṃ ... Vatthuṃ ... Nabhāvanāyapahātabbe khandhe aniccato ... vipassanti assādenti abhinandanti taṃ ārabbha nabhāvanāyapahātabbo rāgo uppajjati diṭṭhi ... vicikicchā ... Nabhāvanāyapahātabbaṃ domanassaṃ uppajjati dibbena cakkhunā .pe. yathākammupagañāṇassa anāgataṃsañāṇassa āvajjanāya ārammaṇapaccayena paccayo. {595.3} Nabhāvanāyapahātabbo dhammo bhāvanāyapahātabbassa dhammassa ārammaṇapaccayena paccayo: dānaṃ ... Sīlaṃ ... .pe. Jhānaṃ ... Cakkhuṃ ... vatthuṃ ... nabhāvanāyapahātabbe khandhe assādeti abhinandati taṃ ārabbha bhāvanāyapahātabbo rāgo uppajjati ... Uddhaccaṃ ... Bhāvanāyapahātabbaṃ domanassaṃ uppajjati.