[596] Bhāvanāyapahātabbo dhammo bhāvanāyapahātabbassa dhammassa Adhipatipaccayena paccayo: ārammaṇādhipati sahajātādhipati . Ārammaṇādhipati: bhāvanāyapahātabbaṃ rāgaṃ garuṃ katvā assādeti abhinandati taṃ garuṃ katvā bhāvanāyapahātabbo rāgo uppajjati . Sahajātādhipati: bhāvanāyapahātabbā adhipati sampayuttakānaṃ khandhānaṃ adhipatipaccayena paccayo. {596.1} Bhāvanāyapahātabbo dhammo nabhāvanāyapahātabbassa dhammassa adhipatipaccayena paccayo: ārammaṇādhipati sahajātādhipati . Ārammaṇādhipati: bhāvanāyapahātabbaṃ rāgaṃ garuṃ katvā assādeti abhinandati taṃ garuṃ katvā nabhāvanāyapahātabbo rāgo uppajjati diṭṭhi uppajjati . sahajātādhipati: bhāvanāyapahātabbā adhipati cittasamuṭṭhānānaṃ rūpānaṃ adhipatipaccayena paccayo. {596.2} Bhāvanāyapahātabbo dhammo bhāvanāyapahātabbassa ca nabhāvanāyapahātabbassa ca dhammassa adhipatipaccayena paccayo: sahajātādhipati: bhāvanāyapahātabbā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo . nabhāvanāya- pahātabbo dhammo nabhāvanāyapahātabbassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: dānaṃ datvā sīlaṃ ... uposathakammaṃ katvā taṃ garuṃ katvā nabhāvanāyapahātabbo rāgo uppajjati. Sahajātādhipati:. {596.3} Nabhāvanāyapahātabbā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo . Nabhāvanāyapahātabbo dhammo bhāvanāyapahātabbassa Dhammassa adhipatipaccayena paccayo: ārammaṇādhipati: dānaṃ .pe. Jhānaṃ ... cakkhuṃ ... vatthuṃ ... Nabhāvanāyapahātabbe khandhe garuṃ katvā assādeti abhinandati taṃ garuṃ katvā bhāvanāyapahātabbo rāgo uppajjati.

[597] Bhāvanāyapahātabbo dhammo bhāvanāyapahātabbassa dhammassa anantarapaccayena paccayo: cattāri . dassanadukasadisā bhāvanā ninnānākaraṇā . ... sahajātapaccayena paccayo: pañca aññamaññapaccayena paccayo: dve nissayapaccayena paccayo: satta.