TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Pañhāvāro

[621] Dassanenapahātabbahetuko dhammo dassanenapahātabba- hetukassa dhammassa hetupaccayena paccayo: dassanenapahātabba- hetukā hetū sampayuttakānaṃ khandhānaṃ hetupaccayena paccayo . mūlaṃ dassanenapahātabbahetukā hetū cittasamuṭṭhānānaṃ rūpānaṃ hetupaccayena paccayo . mūlaṃ dassanenapahātabbahetukā hetū sampayuttakānaṃ Khandhānaṃ cittasamuṭṭhānānañca rūpānaṃ hetupaccayena paccayo. {621.1} Nadassanenapahātabbahetuko dhammo nadassanenapahātabba- hetukassa dhammassa hetupaccayena paccayo: nadassanenapahātabbahetukā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo vicikicchāsahagato moho cittasamuṭṭhānānaṃ rūpānaṃ hetupaccayena paccayo paṭisandhikkhaṇe .pe. mūlaṃ vicikicchāsahagato moho sampayuttakānaṃ khandhānaṃ hetupaccayena paccayo . mūlaṃ vicikicchāsahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo.

[622] Dassanenapahātabbahetuko dhammo dassanenapahātabba- hetukassa dhammassa ārammaṇapaccayena paccayo: dassanenapahātabba- hetuke khandhe ārabbha dassanenapahātabbahetukā khandhā uppajjanti. Mūlaṃ dassanenapahātabbahetuke khandhe ārabbha nadassanenapahātabba- hetukā khandhā ca moho ca uppajjanti. Mūlaṃ dassanenapahātabbahetuke khandhe ārabbha vicikicchāsahagatā khandhā ca moho ca uppajjanti. {622.1} Nadassanenapahātabbahetuko dhammo nadassanena- pahātabbahetukassa dhammassa ārammaṇapaccayena paccayo: dānaṃ ... Sīlaṃ ... uposathakammaṃ katvā taṃ paccavekkhati assādeti abhinandati taṃ ārabbha nadassanenapahātabbahetuko rāgo uppajjati uddhaccaṃ ... nadassanenapahātabbahetukaṃ domanassaṃ uppajjati pubbe Suciṇṇāni ... jhānā vuṭṭhahitvā .pe. ariyā maggā vuṭṭhahitvā maggaṃ paccavekkhanti .pe. āvajjanāya ārammaṇapaccayena paccayo ariyā nadassanenapahātabbahetuke pahīne kilese paccavekkhanti vikkhambhite kilese ... pubbe samudāciṇṇe kilese jānanti cakkhuṃ ... Vatthuṃ ... nadassanenapahātabbahetuke khandhe ca mohañca aniccato ... Vipassanti assādenti abhinandanti taṃ ārabbha nadassanena- pahātabbahetuko rāgo uppajjati uddhaccaṃ ... nadassanena- pahātabbahetukaṃ domanassaṃ uppajjati dibbena cakkhunā rūpaṃ .pe. Anāgataṃsañāṇassa āvajjanāya mohassa ca ārammaṇapaccayena paccayo. {622.2} Nadassanenapahātabbahetuko dhammo dassanenapahātabba- hetukassa dhammassa ārammaṇapaccayena paccayo: dānaṃ .pe. Jhānaṃ ... Cakkhuṃ ... vatthuṃ ... nadassanenapahātabbahetuke khandhe ca mohañca assādeti abhinandati taṃ ārabbha dassanenapahātabbahetuko rāgo uppajjati diṭṭhi ... vicikicchā ... dassanenapahātabbahetukaṃ domanassaṃ uppajjati . nadassanenapahātabbahetuko dhammo dassanenapahātabba- hetukassa ca nadassanenapahātabbahetukassa ca dhammassa ārammaṇa- paccayena paccayo: cakkhuṃ ... Vatthuṃ ... Nadassanenapahātabbahetuke khandhe ca mohañca ārabbha vicikicchāsahagatā khandhā ca moho ca uppajjanti. {622.3} Dassanenapahātabbahetuko ca nadassanenapahātabbahetuko ca dhammā dassanenapahātabbahetukassa dhammassa ārammaṇapaccayena paccayo: Vicikicchāsahagate khandhe ca mohañca ārabbha dassanenapahātabbahetukā khandhā uppajjanti . mūlaṃ vicikicchāsahagate khandhe ca mohañca ārabbha nadassanenapahātabbahetukā khandhā ca moho ca uppajjanti . mūlaṃ vicikicchāsahagate khandhe ca mohañca ārabbha vicikicchāsahagatā khandhā ca moho ca uppajjanti.