[67] Citto dhammo nocittassa dhammassa pacchājātapaccayena paccayo: saṅkhittaṃ . nocitto dhammo nocittassa dhammassa pacchā- jātapaccayena paccayo: saṅkhittaṃ . citto ca nocitto ca dhammā nocittassa dhammassa pacchājātapaccayena paccayo: saṅkhittaṃ.

[68] Citto dhammo cittassa dhammassa āsevanapaccayena paccayo: nava.

[69] Nocitto dhammo nocittassa dhammassa kammapaccayena paccayo: sahajātā nānākhaṇikā . sahajātā: nocittā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nānākhaṇikā: nocittā cetanā vipākānaṃ khandhānaṃ Kaṭattā ca rūpānaṃ kammapaccayena paccayo . nocitto dhammo cittassa dhammassa kammapaccayena paccayo: sahajātā nānākhaṇikā . Sahajātā: nocittā cetanā cittassa kammapaccayena paccayo . Nānākhaṇikā: nocittā cetanā vipākassa cittassa kammapaccayena paccayo . nocitto dhammo cittassa ca nocittassa ca dhammassa kammapaccayena paccayo: sahajātā nānākhaṇikā . sahajātā: nocittā cetanā sampayuttakānaṃ khandhānaṃ cittassa ca citta- samuṭṭhānānañca rūpānaṃ kammapaccayena paccayo . nānākhaṇikā: nocittā cetanā vipākānaṃ khandhānaṃ cittassa ca kaṭattā ca rūpānaṃ kammapaccayena paccayo.

[70] Citto dhammo nocittassa dhammassa vipākapaccayena paccayo: pañca āhārapaccayena paccayo: pañca indriyapaccayena paccayo: pañca.