[626] Nadassanenapahātabbahetuko dhammo nadassanenapahātabba- hetukassa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ: cakkhuṃ ... Vatthuṃ aniccato ... Vipassati assādeti abhinandati taṃ ārabbha nadassanenapahātabba- hetuko rāgo uppajjati uddhaccaṃ ... nadassanenapahātabbahetukaṃ domanassaṃ uppajjati dibbena ... Saṅkhittaṃ. Vatthupurejātaṃ: saṅkhittaṃ. {626.1} Nadassanenapahātabbahetuko dhammo dassanenapahātabba- hetukassa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ cakkhuṃ ... Vatthuṃ assādeti abhinandati taṃ ārabbha dassanenapahātabbahetuko rāgo uppajjati diṭṭhi ... Vicikicchā ... dassanenapahātabbahetukaṃ domanassaṃ uppajjati . vatthupurejātaṃ: saṅkhittaṃ . nadassanenapahātabbahetuko dhammo dassanenapahātabba- hetukassa ca nadassanenapahātabbahetukassa ca dhammassa purejāta- paccayena paccayo: ārammaṇapurejātaṃ vatthupurejātaṃ . ārammaṇa- purejātaṃ: cakkhuṃ ... vatthuṃ ārabbha vicikicchāsahagatā khandhā ca moho ca uppajjanti. Vatthupurejātaṃ: saṅkhittaṃ.

[627] Dassanenapahātabbahetuko dhammo nadassanenapahātabba- hetukassa dhammassa pacchājātapaccayena paccayo: .pe. nadassanena- pahātabbahetuko dhammo nadassanenapahātabbahetukassa dhammassa pacchājātapaccayena paccayo: .pe. dassanenapahātabbahetuko ca nadassanenapahātabbahetuko ca dhammā nadassanenapahātabbahetukassa dhammassa pacchājātapaccayena paccayo: .pe. ... Āsevanapaccayena paccayo:.

[628] Dassanenapahātabbahetuko dhammo dassanenapahātabba- hetukassa dhammassa kammapaccayena paccayo: dassanenapahātabbahetukā cetanā sampayuttakānaṃ khandhānaṃ kammapaccayena paccayo . mūlaṃ sahajātā nānākhaṇikā . sahajātā: dassanenapahātabbahetukā cetanā cittasamuṭṭhānānaṃ rūpānaṃ kammapaccayena paccayo . nānākhaṇikā: dassanenapahātabbahetukā cetanā vipākānaṃ khandhānaṃ kaṭattā ca rūpānaṃ kammapaccayena paccayo. {628.1} Dassanenapahātabbahetuko dhammo dassanenapahātabba- hetukassa ca nadassanenapahātabbahetukassa ca dhammassa kammapaccayena paccayo: dassanenapahātabbahetukā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nadassanena- pahātabbahetuko dhammo nadassanenapahātabbahetukassa dhammassa kammapaccayena paccayo: sahajātā nānākhaṇikā . sahajātā: nadassanenapahātabbahetukā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nānākhaṇikā: Nadassanenapahātabbahetukā cetanā vipākānaṃ khandhānaṃ kaṭattā ca rūpānaṃ kammapaccayena paccayo . ... vipākapaccayena paccayo: āhārapaccayena paccayo: indriyapaccayena paccayo: jhānapaccayena paccayo: maggapaccayena paccayo: sampayuttapaccayena paccayo: cha vippayuttapaccayena paccayo: pañca.