[661] Avitakko dhammo avitakkassa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ: cakkhuṃ ... vatthuṃ aniccato ... vipassati assādeti abhinandati taṃ ārabbha vitakko uppajjati dibbena .pe. phoṭṭhabbāyatanaṃ kāyaviññāṇassa . vatthupurejātaṃ: cakkhāyatanaṃ cakkhuviññāṇassa Kāyāyatanaṃ ... vatthu avitakkānaṃ khandhānaṃ vitakkassa ca purejātapaccayena paccayo. {661.1} Avitakko dhammo savitakkassa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ: cakkhuṃ ... vatthuṃ aniccato ... Vipassati assādeti abhinandati taṃ ārabbha savitakkā khandhā uppajjanti . vatthupurejātaṃ: vatthu savitakkānaṃ khandhānaṃ purejātapaccayena paccayo. {661.2} Avitakko dhammo savitakkassa ca avitakkassa ca dhammassa purejātapaccayena paccayo: ārammaṇapurejātaṃ vatthupurejātaṃ . Ārammaṇapurejātaṃ: cakkhuṃ ... vatthuṃ aniccato ... Vipassati assādeti abhinandati taṃ ārabbha savitakkā khandhā ca vitakko ca uppajjanti . Vatthupurejātaṃ: vatthu savitakkānaṃ khandhānaṃ vitakkassa ca purejātapaccayena paccayo.

[662] Savitakko dhammo avitakkassa dhammassa pacchājātapaccayena paccayo: tīṇi pacchājātā. ... Āsevanapaccayena paccayo: nava.

[663] Savitakko dhammo savitakkassa dhammassa kammapaccayena paccayo: sahajātā nānākhaṇikā . sahajātā: savitakkā cetanā sampayuttakānaṃ khandhānaṃ kammapaccayena paccayo . nānākhaṇikā: savitakkā cetanā vipākānaṃ savitakkānaṃ khandhānaṃ kammapaccayena paccayo . evaṃ cattāri sahajātāpi nānākhaṇikāpi kātabbā . ... Vipākapaccayena paccayo: nava āhārapaccayena paccayo: cattāri Indriyapaccayena paccayo: cattāri jhānapaccayena paccayo: nava maggapaccayena paccayo: nava sampayuttapaccayena paccayo: cha.

[664] Savitakko dhammo savitakkassa dhammassa vippayuttapaccayena paccayo: sahajātaṃ pacchājātaṃ . avitakko dhammo avitakkassa dhammassa vippayuttapaccayena paccayo: sahajātaṃ purejātaṃ pacchājātaṃ . Avitakko dhammo savitakkassa dhammassa vippayuttapaccayena paccayo: sahajātaṃ purejātaṃ . avitakko dhammo savitakkassa ca avitakkassa ca dhammassa vippayuttapaccayena paccayo: sahajātaṃ purejātaṃ . Sahajātaṃ: paṭisandhikkhaṇe vatthu vitakkassa sampayuttakānañca khandhānaṃ vippayuttapaccayena paccayo . purejātaṃ: vatthu vitakkassa sampayuttakānañca khandhānaṃ vippayuttapaccayena paccayo . savitakko ca avitakko ca dhammā avitakkassa dhammassa vippayuttapaccayena paccayo: sahajātaṃ pacchājātaṃ. Saṅkhittaṃ.