[685] Sappītiko dhammo sappītikassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: sappītike khandhe garuṃ katvā sappītikā khandhā uppajjanti . sahajātādhipati: sappītikā adhipati sampayuttakānaṃ khandhānaṃ adhipatipaccayena paccayo . Sappītiko dhammo appītikassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: sappītike khandhe garuṃ katvā: appītikā khandhā ca pīti ca uppajjanti . Sahajātādhipati sappītikā adhipati pītiyā ca cittasamuṭṭhānānañca rūpānaṃ adhipatipaccayena paccayo. {685.1} Sappītiko dhammo sappītikassa ca appītikassa ca dhammassa adhipatipaccayena paccayo: ārammaṇādhipati sahajātādhipati . Ārammaṇādhipati: sappītike khandhe garuṃ katvā appītikā khandhā ca pīti ca uppajjanti . sahajātādhipati: sappītikā adhipati sampayuttakānaṃ Khandhānaṃ pītiyā ca cittasamuṭṭhānānañca rūpānaṃ adhipatipaccayena paccayo. {685.2} Appītiko dhammo appītikassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati appītikena cittena dānaṃ ... sīlaṃ ... Uposathakammaṃ ... Appītikena cittena taṃ garuṃ katvā paccavekkhati assādeti abhinandati taṃ garuṃ katvā appītiko rāgo uppajjati diṭṭhi uppajjati appītikā jhānā ... Maggā ... Phalā vuṭṭhahitvā phalaṃ garuṃ katvā paccavekkhati ariyā appītikena cittena nibbānaṃ garuṃ katvā paccavekkhanti nibbānaṃ appītikassa gotrabhussa vodānassa maggassa phalasamāpattiyā pītiyā ca adhipatipaccayena paccayo cakkhuṃ ... Vatthuṃ ... appītike khandhe ca pītiñca appītikena cittena garuṃ katvā assādeti abhinandati taṃ garuṃ katvā appītiko rāgo uppajjati diṭṭhi ... appītike khandhe ca pītiñca garuṃ katvā appītikā khandhā ca pīti ca uppajjanti. Sahajātādhipati: appītikā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. {685.3} Appītiko dhammo sappītikassa dhammassa adhipatipaccayena paccayo: ārammaṇādhipati: appītikena cittena dānaṃ ... Sīlaṃ ... Uposathakammaṃ ... . saṅkhittaṃ . Adhipati ... Nibbānaṃ sappītikassa gotrabhussa vodānassa maggassa phalassa adhipatipaccayena paccayo cakkhuṃ ... Vatthuṃ ... Appītike khandhe ca pītiñca sappītikena cittena garuṃ katvā assādeti abhinandati Taṃ garuṃ katvā sappītiko rāgo uppajjati diṭṭhi ... Appītike khandhe ca pītiñca garuṃ katvā sappītikā khandhā uppajjanti. {685.4} Sappītiko dhammo sappītikassa ca appītikassa ca dhammassa adhipatipaccayena paccayo ārammaṇādhipati: dānaṃ .... Saṅkhittaṃ. Adhipati ... Nibbānaṃ sappītikassa gotrabhussa vodānassa maggassa phalassa pītiyā ca adhipatipaccayena paccayo cakkhuṃ ... Vatthuṃ ... Appītike khandhe ca pītiñca sappītikena cittena garuṃ katvā assādeti abhinandati taṃ garuṃ katvā sappītiko rāgo ... diṭṭhi uppajjati appītike khandhe ca pītiñca garuṃ katvā sappītikā khandhā ca pīti ca uppajjanti. {685.5} Sappītiko ca appītiko ca dhammā sappītikassa dhammassa adhipatipaccayena paccayo: sappītike khandhe ca pītiñca garuṃ katvā sappītikā khandhā uppajjanti . mūlaṃ sappītike khandhe ca pītiñca garuṃ katvā appītikā khandhā ca pīti ca uppajjanti . mūlaṃ sappītike khandhe ca pītiñca garuṃ katvā sappītikā khandhā ca pīti ca uppajjanti.