[686] Sappītiko dhammo sappītikassa dhammassa anantarapaccayena paccayo: purimā purimā sappītikā khandhā pacchimānaṃ pacchimānaṃ sappītikānaṃ khandhānaṃ anantarapaccayena paccayo . mūlaṃ purimā purimā sappītikā khandhā pacchimassa pacchimassa appītikassa pītiyā ca anantarapaccayena paccayo sappītikaṃ cuticittaṃ appītikassa Upapatticittassa sappītikaṃ bhavaṅgaṃ āvajjanāya sappītikā khandhā appītikassa vuṭṭhānassa pītisahagatā vipākamanoviññāṇadhātu kiriyamanoviññāṇadhātuyā sappītikaṃ bhavaṅgaṃ appītikassa bhavaṅgassa sappītikaṃ kusalākusalaṃ appītikassa vuṭṭhānassa kiriyaṃ vuṭṭhānassa phalaṃ vuṭṭhānassa anantarapaccayena paccayo . mūlaṃ purimā purimā sappītikā khandhā pacchimānaṃ pacchimānaṃ sappītikānaṃ khandhānaṃ pītiyā ca anantarapaccayena paccayo. {686.1} Appītiko dhammo appītikassa dhammassa anantarapaccayena paccayo: appītikā purimā purimā pīti pacchimāya pacchimāya pītiyā anantarapaccayena paccayo purimā purimā appītikā khandhā pacchimānaṃ pacchimānaṃ appītikānaṃ khandhānaṃ anantarapaccayena paccayo anulomaṃ gotrabhussa appītikāya phalasamāpattiyā anantarapaccayena paccayo . Mūlaṃ purimā purimā pīti pacchimānaṃ pacchimānaṃ sappītikānaṃ khandhānaṃ anantarapaccayena paccayo appītikaṃ cuticittaṃ sappītikassa upapatti- cittassa āvajjanā sappītikānaṃ khandhānaṃ appītikā khandhā sappītikassa vuṭṭhānassa vipākamanodhātu sappītikāya manoviññāṇadhātuyā appītikaṃ bhavaṅgaṃ sappītikassa bhavaṅgassa appītikaṃ kusalākusalaṃ sappītikassa vuṭṭhānassa kiriyaṃ vuṭṭhānassa phalaṃ vuṭṭhānassa anantarapaccayena paccayo nirodhā vuṭṭhahantassa nevasaññānāsaññāyatanaṃ sappītikāya phalasamāpattiyā anantarapaccayena paccayo . appītiko dhammo Sappītikassa ca appītikassa ca dhammassa anantarapaccayena paccayo: purimā purimā pīti pacchimānaṃ pacchimānaṃ sappītikānaṃ khandhānaṃ pītiyā ca anantarapaccayena paccayo . sappītiko ca appītiko ca dhammā sappītikassa dhammassa anantarapaccayena paccayo: purimā purimā sappītikā khandhā ca pīti ca pacchimānaṃ pacchimānaṃ sappītikānaṃ khandhānaṃ anantarapaccayena paccayo. {686.2} Sappītiko ca appītiko ca dhammā appītikassa dhammassa anantarapaccayena paccayo: purimā purimā sappītikā khandhā ca pīti ca pacchimāya pacchimāya pītiyā anantarapaccayena paccayo sappītikaṃ cuticittañca pīti ca appītikassa upapatticittassa sappītikaṃ bhavaṅgañca pīti ca āvajjanāya sappītikā khandhā ca pīti ca appītikassa vuṭṭhānassa sappītikā vipākamanoviññāṇadhātu ca pīti ca kiriyamanoviññāṇadhātuyā sappītikaṃ bhavaṅgañca pīti ca appītikassa bhavaṅgassa sappītikaṃ kusalākusalañca pīti ca appītikassa vuṭṭhānassa kiriyaṃ vuṭṭhānassa phalaṃ vuṭṭhānassa anantarapaccayena paccayo. {686.3} Sappītiko ca appītiko ca dhammā sappītikassa ca appītikassa ca dhammassa anantarapaccayena paccayo: purimā purimā sappītikā khandhā ca pīti ca pacchimānaṃ pacchimānaṃ sappītikānaṃ khandhānaṃ pītiyā ca anantarapaccayena paccayo . ... Samanantarapaccayena paccayo: nava sahajātapaccayena paccayo: nava aññamaññapaccayena paccayo: nava Nissayapaccayena paccayo: nava.