[687] Sappītiko dhammo sappītikassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo .pe. Pakatūpanissayo: sappītikā khandhā sappītikānaṃ khandhānaṃ upanissaya- paccayena paccayo . mūlaṃ sappītikā khandhā appītikānaṃ khandhānaṃ pītiyā ca upanissayapaccayena paccayo . mūlaṃ sappītikā khandhā sappītikānaṃ khandhānaṃ pītiyā ca upanissayapaccayena paccayo. {687.1} Appītiko dhammo appītikassa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. Pakatūpanissayo: appītikaṃ saddhaṃ upanissāya appītikena cittena dānaṃ datvā sīlaṃ ... uposathakammaṃ appītikaṃ jhānaṃ vipassanaṃ maggaṃ abhiññaṃ ... Samāpattiṃ uppādeti mānaṃ jappeti diṭṭhiṃ gaṇhāti appītikaṃ sīlaṃ .pe. Paññaṃ ... abhiññaṃ rāgaṃ dosaṃ mohaṃ mānaṃ diṭṭhiṃ patthanaṃ kāyikaṃ sukhaṃ kāyikaṃ dukkhaṃ utuṃ bhojanaṃ ... senāsanaṃ pītiṃ upanissāya appītikena cittena dānaṃ .pe. samāpattiṃ uppādeti pāṇaṃ hanati .pe. saṅghaṃ bhindati appītikā saddhā .pe. senāsanaṃ pīti ca appītikāya saddhāya .pe. patthanāya kāyikassa sukhassa kāyikassa dukkhassa maggassa phalasamāpattiyā pītiyā ca upanissayapaccayena paccayo. {687.2} Appītiko dhammo sappītikassa dhammassa upanissayapaccayena paccayo: tīṇi upanissayā appītikaṃ Saddhaṃ upanissāya sappītikena cittena dānaṃ deti .pe. Appītikā jhānā .pe. mānaṃ jappeti diṭṭhiṃ gaṇhāti appītikaṃ sīlaṃ .pe. senāsanaṃ pītiṃ upanissāya sappītikena cittena dānaṃ deti .pe. samāpattiṃ uppādeti sappītikena cittena adinnaṃ ... musā ... pisuṇaṃ ... samphaṃ ... sandhiṃ ... nillopaṃ ... Ekāgārikaṃ ... Paripanthe ... Paradāraṃ ... Gāmaghātaṃ ... Nigamaghātaṃ ... Appītikā saddhā .pe. senāsanaṃ pīti ca sappītikāya saddhāya .pe. paññāya rāgassa mohassa mānassa diṭṭhiyā patthanāya maggassa phalasamāpattiyā upanissayapaccayena paccayo. {687.3} Appītiko dhammo sappītikassa ca appītikassa ca dhammassa upanissayapaccayena paccayo: tīṇi upanissayā appītikaṃ saddhaṃ upanissāya sappītikena cittena dānaṃ deti .pe. Samāpattiṃ uppādeti mānaṃ jappeti diṭṭhiṃ gaṇhāti .pe. appītikaṃ sīlaṃ .pe. senāsanaṃ pītiṃ upanissāya sappītikena cittena dānaṃ deti .pe. samāpattiṃ uppādeti sappītikena cittena adinnaṃ ādiyati . dutiyavārasadisaṃ . nigamaghātaṃ karoti appītikā saddhā .pe. senāsanaṃ pīti ca sappītikāya saddhāya .pe. Paññāya rāgassa mohassa mānassa diṭṭhiyā patthanāya maggassa phalasamāpattiyā pītiyā ca upanissayapaccayena paccayo. {687.4} Sappītiko ca appītiko ca dhammā sappītikassa dhammassa upanissayapaccayena paccayo: tīṇipi upanissayā sappītikā khandhā Ca pīti ca sappītikānaṃ khandhānaṃ upanissayapaccayena paccayo . mūlaṃ sappītikā khandhā ca pīti ca appītikānaṃ khandhānaṃ pītiyā ca upanissayapaccayena paccayo . mūlaṃ sappītikā khandhā ca pīti ca sappītikānaṃ khandhānaṃ pītiyā ca upanissayapaccayena paccayo.