[742] Kāmāvacaro dhammo kāmāvacarassa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ: cakkhuṃ ... vatthuṃ aniccato .pe. domanassaṃ uppajjati rūpāyatanaṃ cakkhuviññāṇassa phoṭṭhabbāyatanaṃ kāyaviññāṇassa . vatthu- purejātaṃ: cakkhāyatanaṃ cakkhuviññāṇassa kāyāyatanaṃ ... vatthu kāmāvacarānaṃ khandhānaṃ purejātapaccayena paccayo . kāmāvacaro dhammo nakāmāvacarassa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ: dibbena cakkhunā rūpaṃ passati dibbāya sotadhātuyā saddaṃ suṇāti . Vatthupurejātaṃ: vatthu nakāmāvacarānaṃ khandhānaṃ purejātapaccayena paccayo . ... pacchājātapaccayena paccayo: dve āsevanapaccayena paccayo: tīṇi.

[743] Kāmāvacaro dhammo kāmāvacarassa dhammassa kammapaccayena paccayo: sahajātā nānākhaṇikā . saṅkhittaṃ . nakāmāvacaro dhammo nakāmāvacarassa dhammassa kammapaccayena paccayo: sahajātā nānākhaṇikā . nakāmāvacaro dhammo kāmāvacarassa dhammassa Kammapaccayena paccayo: sahajātā nānākhaṇikā. Saṅkhittaṃ. Nakāmāvacaro dhammo kāmāvacarassa ca nakāmāvacarassa ca dhammassa kammapaccayena paccayo: sahajātā nānākhaṇikā . saṅkhittaṃ . ... vipākapaccayena paccayo: cattāri āhārapaccayena paccayo: cattāri indriyapaccayena paccayo: cattāri jhānapaccayena paccayo: cattāri maggapaccayena paccayo: cattāri sampayuttapaccayena paccayo: dve.

[744] Kāmāvacaro dhammo kāmāvacarassa dhammassa vippayutta- paccayena paccayo: sahajātaṃ purejātaṃ pacchājātaṃ . saṅkhittaṃ . Kāmāvacaro dhammo nakāmāvacarassa dhammassa vippayuttapaccayena paccayo: sahajātaṃ purejātaṃ . sahajātaṃ: saṅkhittaṃ . paṭisandhikkhaṇe vatthu nakāmāvacarānaṃ khandhānaṃ vippayuttapaccayena paccayo . purejātaṃ: vatthu nakāmāvacarānaṃ khandhānaṃ vippayuttapaccayena paccayo . Nakāmāvacaro dhammo kāmāvacarassa dhammassa vippayuttapaccayena paccayo: sahajātaṃ pacchājātaṃ . sahajātā: nakāmāvacarā khandhā cittasamuṭṭhānānaṃ rūpānaṃ vippayuttapaccayena paccayo paṭisandhi . Pacchājātā: nakāmāvacarā khandhā purejātassa imassa kāyassa vippayuttapaccayena paccayo.