ปัญหาวาร
TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Pañhāvāro
[797] Arūpāvacaro dhammo arūpāvacarassa dhammassa hetupaccayena paccayo: arūpāvacarā hetū sampayuttakānaṃ khandhānaṃ hetupaccayena paccayo paṭisandhi . mūlaṃ arūpāvacarā hetū cittasamuṭṭhānānaṃ rūpānaṃ hetupaccayena paccayo . mūlaṃ arūpāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo . Naarūpāvacaro dhammo naarūpāvacarassa dhammassa hetupaccayena paccayo: naarūpāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo paṭisandhi.
[798] Arūpāvacaro dhammo arūpāvacarassa dhammassa ārammaṇa- paccayena paccayo: ākāsānañcāyatanaṃ viññāṇañcāyatanassa ārammaṇapaccayena paccayo ākiñcaññāyatanaṃ nevasaññā- nāsaññāyatanassa ārammaṇapaccayena paccayo . arūpāvacaro dhammo naarūpāvacarassa dhammassa ārammaṇapaccayena paccayo: ākāsānañcāyatanaṃ paccavekkhati viññāṇañcāyatanaṃ ... Ākiñcaññāyatanaṃ ... nevasaññānāsaññāyatanaṃ paccavekkhati arūpāvacare khandhe aniccato .pe. domanassaṃ uppajjati cetopariyañāṇena arūpāvacaracittasamaṅgissa cittaṃ jānāti arūpāvacarā khandhā cetopariyañāṇassa pubbenivāsānussati- ñāṇassa yathākammupagañāṇassa anāgataṃsañāṇassa āvajjanāya ārammaṇapaccayena paccayo. {798.1} Naarūpāvacaro dhammo naarūpāvacarassa dhammassa ārammaṇapaccayena paccayo: dānaṃ ... sīlaṃ ... uposathakammaṃ katvā taṃ paccavekkhati assādeti abhinandati taṃ ārabbha rāgo .pe. domanassaṃ uppajjati pubbe suciṇṇāni ... jhānā .pe. ariyā maggā vuṭṭhahitvā maggaṃ paccavekkhanti phalaṃ paccavekkhanti nibbānaṃ paccavekkhanti nibbānaṃ gotrabhussa vodānassa maggassa phalassa āvajjanāya ārammaṇapaccayena paccayo ariyā pahīne kilese paccavekkhanti vikkhambhite kilese ... Pubbe ... .pe. Cakkhuṃ ... Vatthuṃ ... Naarūpāvacare khandhe aniccato .pe. Domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti cetopariyañāṇena naarūpāvacaracittasamaṅgissa cittaṃ jānāti rūpāyatanaṃ cakkhuviññāṇassa phoṭṭhabbāyatanaṃ ... naarūpāvacarā khandhā iddhividhañāṇassa cetopariyañāṇassa pubbenivāsānussatiñāṇassa yathākammupagañāṇassa anāgataṃsañāṇassa āvajjanāya ārammaṇa- paccayena paccayo.