[801] Arūpāvacaro dhammo arūpāvacarassa dhammassa upanissaya- paccayena paccayo: anantarūpanissayo pakatūpanissayo .pe. Pakatūpanissayo: ākāsānañcāyatanaṃ viññāṇañcāyatanassa upanissayapaccayena paccayo: viññāṇañcāyatanaṃ ākiñcaññāyatanassa Ākiñcaññāyatanaṃ nevasaññānāsaññāyatanassa upanissayapaccayena paccayo. {801.1} Arūpāvacaro dhammo naarūpāvacarassa dhammassa upanissaya- paccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: arūpāvacaraṃ saddhaṃ upanissāya dānaṃ deti sīlaṃ ... Uposathakammaṃ naarūpāvacaraṃ jhānaṃ vipassanaṃ maggaṃ abhiññaṃ ... samāpattiṃ uppādeti mānaṃ jappeti diṭṭhiṃ gaṇhāti arūpāvacaraṃ sīlaṃ ... paññaṃ upanissāya dānaṃ deti .pe. samāpattiṃ uppādeti mānaṃ jappeti diṭṭhiṃ gaṇhāti arūpāvacarā saddhā .pe. paññā naarūpāvacarāya saddhāya .pe. paññāya rāgassa patthanāya kāyikassa sukhassa kāyikassa dukkhassa maggassa phalasamāpattiyā upanissayapaccayena paccayo. {801.2} Naarūpāvacaro dhammo naarūpāvacarassa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: naarūpāvacaraṃ saddhaṃ upanissāya dānaṃ deti sīlaṃ ... uposathakammaṃ naarūpāvacaraṃ jhānaṃ vipassanaṃ maggaṃ abhiññaṃ ... samāpattiṃ uppādeti mānaṃ jappeti diṭṭhiṃ gaṇhāti naarūpāvacaraṃ sīlaṃ ... Paññaṃ rāgaṃ patthanaṃ kāyikaṃ sukhaṃ kāyikaṃ dukkhaṃ utuṃ bhojanaṃ ... Senāsanaṃ upanissāya dānaṃ deti .pe. samāpattiṃ uppādeti pāṇaṃ hanati .pe. Saṅghaṃ bhindati naarūpāvacarā saddhā .pe. senāsanaṃ naarūpāvacarāya saddhāya patthanāya kāyikassa sukhassa kāyikassa dukkhassa maggassa Phalasamāpattiyā upanissayapaccayena paccayo. {801.3} Naarūpāvacaro dhammo arūpāvacarassa dhammassa upanissayapaccayena paccayo: anantarūpanissayo pakatūpanissayo .pe. Pakatūpanissayo: ākāsānañcāyatanassa parikammaṃ ākāsānañcāyatanassa upanissayapaccayena paccayo .pe. nevasaññānāsaññāyatanassa parikammaṃ nevasaññānāsaññāyatanassa upanissayapaccayena paccayo.