[802] Naarūpāvacaro dhammo naarūpāvacarassa dhammassa purejātapaccayena paccayo: ārammaṇapurejātaṃ vatthupurejātaṃ . Ārammaṇapurejātaṃ: cakkhuṃ ... vatthuṃ aniccato .pe. Domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti rūpāyatanaṃ cakkhuviññāṇassa phoṭṭhabbāyatanaṃ kāyaviññāṇassa . Vatthupurejātaṃ: cakkhāyatanaṃ cakkhuviññāṇassa kāyāyatanaṃ ... vatthu naarūpāvacarānaṃ khandhānaṃ purejātapaccayena paccayo . naarūpāvacaro dhammo arūpāvacarassa dhammassa purejātapaccayena paccayo: vatthupurejātaṃ: vatthu arūpāvacarānaṃ khandhānaṃ purejātapaccayena paccayo . ... Pacchājātapaccayena paccayo: dve āsevanapaccayena paccayo: tīṇi.

[803] Arūpāvacaro dhammo arūpāvacarassa dhammassa kammapaccayena paccayo: sahajātā nānākhaṇikā .pe. arūpāvacaro dhammo naarūpāvacarassa dhammassa kammapaccayena paccayo: arūpāvacarā cetanā cittasamuṭṭhānānaṃ arūpāvacarānaṃ khandhānaṃ kammapaccayena Paccayo . mūlaṃ arūpāvacarā cetanā sampayuttakānaṃ khandhānaṃ citta- samuṭṭhānānañca rūpānaṃ kammapaccayena paccayo . naarūpāvacaro dhammo naarūpāvacarassa dhammassa kammapaccayena paccayo: sahajātā nānākhaṇikā . sahajātā: naarūpāvacarā cetanā sampayuttakānaṃ khandhānaṃ kammapaccayena paccayo. Saṅkhittaṃ.

[804] Arūpāvacaro dhammo arūpāvacarassa dhammassa vipākapaccayena paccayo: . naarūpāvacaro dhammo naarūpāvacarassa dhammassa vipākapaccayena paccayo: . ... āhārapaccayena paccayo: cattāri indriyapaccayena paccayo: cattāri jhānapaccayena paccayo: cattāri maggapaccayena paccayo: cattāri sampayuttapaccayena paccayo: dve.

[805] Arūpāvacaro dhammo naarūpāvacarassa dhammassa vippayutta- paccayena paccayo: sahajātaṃ pacchājātaṃ . naarūpāvacaro dhammo naarūpāvacarassa dhammassa vippayuttapaccayena paccayo: sahajātaṃ purejātaṃ pacchājātaṃ . naarūpāvacaro dhammo arūpāvacarassa dhammassa vippayuttapaccayena paccayo: purejātaṃ: vatthu arūpāvacarānaṃ khandhānaṃ vippayuttapaccayena paccayo.