[816] Niyyānikaṃ dhammaṃ paṭicca niyyāniko dhammo uppajjati naadhipatipaccayā: niyyānike khandhe paṭicca niyyānikā adhipati . Aniyyānikaṃ dhammaṃ paṭicca aniyyāniko dhammo uppajjati naadhipatipaccayā: aniyyānikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhi yāva asaññasattā kātabbā . ... naanantarapaccayā: nasamanantarapaccayā: naaññamaññapaccayā: .pe.
[817] Niyyānikaṃ dhammaṃ paṭicca niyyāniko dhammo uppajjati napurejātapaccayā: arūpe niyyānikaṃ ekaṃ khandhaṃ .pe. niyyānikaṃ dhammaṃ paṭicca aniyyāniko dhammo uppajjati napurejātapaccayā: Niyyānike khandhe paṭicca cittasamuṭṭhānaṃ rūpaṃ . aniyyānikaṃ dhammaṃ paṭicca aniyyāniko dhammo uppajjati napurejātapaccayā: arūpe aniyyānikaṃ ekaṃ khandhaṃ paṭicca tayo khandhā dve khandhe ... Aniyyānike khandhe paṭicca cittasamuṭṭhānaṃ rūpaṃ paṭisandhi yāva asaññasattā . niyyānikañca aniyyānikañca dhammaṃ paṭicca aniyyāniko dhammo uppajjati napurejātapaccayā: niyyānike khandhe ca mahābhūte ca paṭicca cittasamuṭṭhānaṃ rūpaṃ.
[818] Nahetuyā ekaṃ naārammaṇe tīṇi naadhipatiyā dve naanantare tīṇi naupanissaye tīṇi napurejāte cattāri napacchājāte pañca naāsevane tīṇi nakamme dve navipāke pañca naāhāre ekaṃ naindriye ekaṃ najhāne ekaṃ namagge ekaṃ nasampayutte tīṇi navippayutte dve nonatthiyā tīṇi novigate tīṇi. Itare dve gaṇanāpi sahajātavāropi kātabbā. Paccayavāro
[819] Niyyānikaṃ dhammaṃ paccayā niyyāniko dhammo uppajjati hetupaccayā: tīṇi paṭiccasadisā . aniyyānikaṃ dhammaṃ paccayā aniyyāniko dhammo uppajjati hetupaccayā: aniyyānikaṃ ekaṃ khandhaṃ paccayā tayo khandhā cittasamuṭṭhānañca rūpaṃ yāva ajjhattikā mahābhūtā vatthuṃ paccayā aniyyānikā khandhā . aniyyānikaṃ dhammaṃ paccayā niyyāniko dhammo uppajjati hetupaccayā: vatthuṃ Paccayā niyyānikā khandhā . aniyyānikaṃ dhammaṃ paccayā niyyāniko ca aniyyāniko ca dhammā uppajjanti hetupaccayā: vatthuṃ paccayā niyyānikā khandhā mahābhūte paccayā cittasamuṭṭhānaṃ rūpaṃ. {819.1} Niyyānikañca aniyyānikañca dhammaṃ paccayā niyyāniko dhammo uppajjati hetupaccayā: niyyānikaṃ ekaṃ khandhañca vatthuñca paccayā tayo khandhā dve khandhe ... . niyyānikañca aniyyānikañca dhammaṃ paccayā aniyyāniko dhammo uppajjati hetupaccayā: niyyānike khandhe ca mahābhūte ca paccayā cittasamuṭṭhānaṃ rūpaṃ . niyyānikañca aniyyānikañca dhammaṃ paccayā niyyāniko ca aniyyāniko ca dhammā uppajjanti hetupaccayā: niyyānikaṃ ekaṃ khandhañca vatthuñca paccayā tayo khandhā dve khandhe ... niyyānike khandhe ca mahābhūte ca paccayā cittasamuṭṭhānaṃ rūpaṃ.