[820] Hetuyā nava ārammaṇe cattāri adhipatiyā nava anantare cattāri samanantare cattāri sahajāte nava aññamaññe cattāri nissaye nava upanissaye cattāri purejāte cattāri āsevane cattāri kamme nava vipāke ekaṃ .pe. Avigate nava.

[821] Aniyyānikaṃ dhammaṃ paccayā aniyyāniko dhammo uppajjati nahetupaccayā: ahetukaṃ aniyyānikaṃ ekaṃ khandhaṃ paccayā tayo khandhā cittasamuṭṭhānañca rūpaṃ yāva asaññasattā cakkhāyatanaṃ Paccayā cakkhuviññāṇaṃ .pe. vatthuṃ paccayā ahetukā aniyyānikā khandhā vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.

[822] Niyyānikaṃ dhammaṃ paccayā aniyyāniko dhammo uppajjati naārammaṇapaccayā: tīṇi.

[823] Niyyānikaṃ dhammaṃ paccayā niyyāniko dhammo uppajjati naadhipatipaccayā: niyyānike khandhe paccayā niyyānikā adhipati . Aniyyānikaṃ dhammaṃ paccayā aniyyāniko dhammo uppajjati naadhipatipaccayā: aniyyānikaṃ ekaṃ khandhaṃ paccayā ... yāva asaññasattā . aniyyānikaṃ dhammaṃ paccayā niyyāniko dhammo uppajjati naadhipatipaccayā: vatthuṃ paccayā niyyānikā adhipati . Niyyānikañca aniyyānikañca dhammaṃ paccayā niyyāniko dhammo uppajjati naadhipatipaccayā: niyyānike khandhe ca vatthuñca paccayā niyyānikā adhipati.