[830] Niyyāniko dhammo niyyānikassa dhammassa adhipatipaccayena paccayo: sahajātādhipati: niyyānikā adhipati sampayuttakānaṃ khandhānaṃ adhipatipaccayena paccayo . niyyāniko dhammo aniyyānikassa dhammassa adhipatipaccayena paccayo: ārammaṇādhipati sahajātādhipati. Ārammaṇādhipati: ariyā maggā vuṭṭhahitvā maggaṃ garuṃ katvā paccavekkhanti . Sahajātādhipati: niyyānikā adhipati cittasamuṭṭhānānaṃ rūpānaṃ adhipatipaccayena paccayo . mūlaṃ niyyānikā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. {830.1} Aniyyāniko dhammo aniyyānikassa dhammassa adhipatipaccayena paccayo: ārammaṇādhipati sahajātādhipati . Ārammaṇādhipati: dānaṃ ... sīlaṃ ... uposathakammaṃ katvā taṃ garuṃ katvā paccavekkhati assādeti abhinandati taṃ garuṃ katvā rāgo ... diṭṭhi uppajjati pubbe suciṇṇāni ... jhānā vuṭṭhahitvā .pe. ariyā phalaṃ garuṃ katvā paccavekkhanti nibbānaṃ garuṃ katvā paccavekkhanti nibbānaṃ gotrabhussa vodānassa phalassa adhipatipaccayena paccayo cakkhuṃ ... Vatthuṃ ... aniyyānike khandhe garuṃ katvā assādeti abhinandati taṃ garuṃ katvā rāgo uppajjati diṭṭhi uppajjati . sahajātādhipati: aniyyānikā adhipati sampayuttakānaṃ khandhānaṃ cittasamuṭṭhānānañca Rūpānaṃ adhipatipaccayena paccayo . aniyyāniko dhammo niyyānikassa dhammassa adhipatipaccayena paccayo: ārammaṇādhipati: nibbānaṃ maggassa adhipatipaccayena paccayo.
[831] Niyyāniko dhammo aniyyānikassa dhammassa anantarapaccayena paccayo: maggo phalassa anantarapaccayena paccayo . Aniyyāniko dhammo aniyyānikassa dhammassa anantarapaccayena paccayo: purimā purimā aniyyānikā khandhā pacchimānaṃ pacchimānaṃ aniyyānikānaṃ khandhānaṃ anantarapaccayena paccayo anulomaṃ gotrabhussa vodānassa phalaṃ phalassa anulomaṃ phalasamāpattiyā nirodhā vuṭṭhahantassa nevasaññā- nāsaññāyatanaṃ phalasamāpattiyā anantarapaccayena paccayo . Aniyyāniko dhammo niyyānikassa dhammassa anantarapaccayena paccayo: gotrabhu maggassa vodānaṃ maggassa anantarapaccayena paccayo . ... Samanantarapaccayena paccayo: sahajātapaccayena paccayo: pañca aññamaññapaccayena paccayo: dve nissayapaccayena paccayo: satta.