[101] Cetasiko dhammo cetasikassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: cetasike khandhe garuṃ katvā cetasikā khandhā uppajjanti . sahajātādhipati: cetasikā adhipati sampayuttakānaṃ khandhānaṃ adhipatipaccayena paccayo . Mūlaṃ pucchitabbaṃ ārammaṇādhipati: cetasike khandhe garuṃ katvā cittaṃ uppajjati sahajātādhipati: cetasikā adhipati cittassa cittasamuṭṭhānānañca rūpānaṃ adhipatipaccayena paccayo . mūlaṃ Pucchitabbaṃ ārammaṇādhipati: cetasike khandhe garuṃ katvā cetasikā khandhā ca cittañca uppajjanti sahajātādhipati: cetasikā adhipati sampayuttakānaṃ khandhānaṃ cittassa ca cittasamuṭṭhānānañca rūpānaṃ adhipatipaccayena paccayo. {101.1} Acetasiko dhammo acetasikassa dhammassa adhipatipaccayena paccayo ārammaṇādhipati sahajātādhipati . ārammaṇādhipati: ariyā nibbānaṃ garuṃ katvā paccavekkhanti nibbānaṃ gotrabhussa vodānassa maggassa phalassa adhipatipaccayena paccayo cakkhuṃ ... Vatthuṃ ... Acetasike khandhe garuṃ katvā assādeti abhinandati taṃ garuṃ katvā cittaṃ uppajjati. Sahajātādhipati: acetasikā adhipati cittassa cittasamuṭṭhānānañca rūpānaṃ adhipatipaccayena paccayo. {101.2} Acetasiko dhammo cetasikassa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: ariyā nibbānaṃ garuṃ katvā ... Paṭhamagamanasadisaṃ. Cakkhuṃ ... Vatthuṃ ... Acetasike khandhe garuṃ katvā assādeti abhinandati taṃ garuṃ katvā rāgo uppajjati diṭṭhi uppajjati .pe. sahajātādhipati: acetasikā adhipati sampayuttakānaṃ khandhānaṃ adhipatipaccayena paccayo. {101.3} Acetasiko dhammo cetasikassa ca acetasikassa ca dhammassa adhipatipaccayena paccayo: ārammaṇādhipati sahajātādhipati. Ārammaṇādhipati: ariyā nibbānaṃ ... Paṭhamagamanaṃ . acetasike khandhe garuṃ katvā assādeti abhinandati taṃ garuṃ katvā cetasikā khandhā ca cittañca uppajjanti. Sahajātādhipati: acetasikā adhipati sampayuttakānaṃ khandhānaṃ citta- samuṭṭhānānañca rūpānaṃ adhipatipaccayena paccayo . cetasiko ca acetasiko ca dhammā cetasikassa dhammassa adhipatipaccayena paccayo: ārammaṇādhipati. Tīṇi. Ārammaṇādhipatiyeva.