[157] Cittasamuṭṭhānaṃ dhammaṃ paṭicca cittasamuṭṭhāno dhammo uppajjati naārammaṇapaccayā: cittasamuṭṭhāne khandhe paṭicca cittasamuṭṭhānaṃ rūpaṃ cittasamuṭṭhānaṃ ekaṃ mahābhūtaṃ ... mahābhūte paṭicca cittasamuṭṭhānaṃ rūpaṃ upādārūpaṃ . cittasamuṭṭhānaṃ dhammaṃ paṭicca nocittasamuṭṭhāno dhammo uppajjati naārammaṇapaccayā: paṭisandhikkhaṇe cittasamuṭṭhāne khandhe paṭicca kaṭattārūpaṃ . nocittasamuṭṭhānaṃ dhammaṃ paṭicca nocittasamuṭṭhāno dhammo uppajjati naārammaṇapaccayā: paṭisandhikkhaṇe cittaṃ paṭicca kaṭattārūpaṃ cittaṃ paṭicca vatthu ekaṃ mahābhūtaṃ yāva asaññasattā. Nocitta- samuṭṭhānaṃ dhammaṃ paṭicca cittasamuṭṭhāno dhammo uppajjati naārammaṇapaccayā: Cittaṃ paṭicca cittasamuṭṭhānaṃ rūpaṃ. {157.1} Cittasamuṭṭhānañca nocittasamuṭṭhānañca dhammaṃ paṭicca cittasamuṭṭhāno dhammo uppajjati naārammaṇapaccayā: cittasamuṭṭhāne khandhe ca cittañca paṭicca cittasamuṭṭhānaṃ rūpaṃ cittañca mahābhūte ca paṭicca cittasamuṭṭhānaṃ rūpaṃ . cittasamuṭṭhānañca nocittasamuṭṭhānañca dhammaṃ paṭicca nocittasamuṭṭhāno dhammo uppajjati naārammaṇapaccayā: paṭisandhikkhaṇe cittasamuṭṭhāne khandhe ca cittañca paṭicca kaṭattārūpaṃ paṭisandhikkhaṇe cittasamuṭṭhāne khandhe ca mahābhūte ca paṭicca kaṭattārūpaṃ. Saṅkhittaṃ.

[158] Nahetuyā nava naārammaṇe cha naadhipatiyā nava naanantare cha nasamanantare cha naaññamaññe cha naupanissaye cha napurejāte nava napacchājāte nava naāsevane nava nakamme cattāri navipāke pañca naāhāre ekaṃ naindriye ekaṃ najhāne cha namagge nava nasampayutte cha navippayutte cha nonatthiyā cha novigate cha.

[159] Hetupaccayā naārammaṇe cha ... Naadhipatiyā nava nakamme tīṇi navipāke pañca nasampayutte cha navippayutte pañca nonatthiyā cha novigate cha.

[160] Nahetupaccayā ārammaṇe nava ... Anantare nava samanantare nava purejāte pañca āsevane pañca jhāne tīṇi magge tīṇi Avigate nava. Sahajātavāro paṭiccavārasadiso.