[177] Cittasamuṭṭhāno dhammo cittasamuṭṭhānassa dhammassa pacchājātapaccayena paccayo: pacchājātā: cittasamuṭṭhānā khandhā purejātassa imassa cittasamuṭṭhānassa kāyassa pacchājātapaccayena paccayo iminākāreneva pacchājāto vitthāretabbo . Āsevanapaccayena paccayo: nava.

[178] Cittasamuṭṭhāno dhammo cittasamuṭṭhānassa dhammassa kammapaccayena paccayo: sahajātā nānākhaṇikā . sahajātā: cittasamuṭṭhānā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nānākhaṇikā: cittasamuṭṭhānā cetanā vipākānaṃ khandhānaṃ cittasamuṭṭhānānañca rūpānaṃ kammapaccayena paccayo . Cittasamuṭṭhāno dhammo nocittasamuṭṭhānassa dhammassa kammapaccayena paccayo: sahajātā nānākhaṇikā . sahajātā: cittasamuṭṭhānā cetanā Cittassa kammapaccayena paccayo . nānākhaṇikā: cittasamuṭṭhānā cetanā vipākassa cittassa kaṭattā ca rūpānaṃ kammapaccayena paccayo . cittasamuṭṭhāno dhammo cittasamuṭṭhānassa ca nocitta- samuṭṭhānassa ca dhammassa kammapaccayena paccayo: sahajātā nānākhaṇikā . sahajātā: cittasamuṭṭhānā cetanā sampayuttakānaṃ khandhānaṃ cittassa ca cittasamuṭṭhānānañca rūpānaṃ kammapaccayena paccayo . nānākhaṇikā: cittasamuṭṭhānā cetanā vipākānaṃ khandhānaṃ cittassa ca kaṭattā ca rūpānaṃ kammapaccayena paccayo.

[179] Cittasamuṭṭhāno dhammo cittasamuṭṭhānassa dhammassa vipākapaccayena paccayo: nava.

[180] Cittasamuṭṭhāno dhammo cittasamuṭṭhānassa dhammassa āhārapaccayena paccayo: cittasamuṭṭhānā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo paṭisandhi . mūlaṃ kātabbaṃ cittasamuṭṭhānā āhārā cittassa āhārapaccayena paccayo paṭisandhikkhaṇe cittasamuṭṭhāno kabaḷiṃkāro āhāro imassa nocittasamuṭṭhānassa kāyassa āhārapaccayena paccayo . mūlaṃ kātabbaṃ cittasamuṭṭhānā āhārā sampayuttakānaṃ khandhānaṃ cittassa ca cittasamuṭṭhānañca rūpānaṃ āhārapaccayena paccayo paṭisandhi. {180.1} Nocittasamuṭṭhāno dhammo nocittasamuṭṭhānassa dhammassa āhārapaccayena paccayo: paṭisandhikkhaṇe nocittasamuṭṭhānā Āhārā kaṭattārūpānaṃ āhārapaccayena paccayo nocittasamuṭṭhāno kabaḷiṃkāro āhāro imassa nocittasamuṭṭhānassa kāyassa āhāra- paccayena paccayo . mūlaṃ kātabbaṃ nocittasamuṭṭhānā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo paṭisandhi . mūlaṃ kātabbaṃ paṭisandhikkhaṇe nocittasamuṭṭhānā āhārā sampayuttakānaṃ khandhānaṃ kaṭattā ca rūpānaṃ āhārapaccayena paccayo. {180.2} Cittasamuṭṭhāno ca nocittasamuṭṭhāno ca dhammā cittasamuṭṭhānassa dhammassa āhārapaccayena paccayo: cittasamuṭṭhānā ca nocittasamuṭṭhānā ca āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo paṭisandhi . Mūlaṃ kātabbaṃ paṭisandhikkhaṇe cittasamuṭṭhānā ca nocittasamuṭṭhānā ca āhārā kaṭattārūpānaṃ āhārapaccayena paccayo cittasamuṭṭhāno ca nocittasamuṭṭhāno ca kabaḷiṃkāro āhāro imassa nocittasamuṭṭhānassa kāyassa āhārapaccayena paccayo . mūlaṃ kātabbaṃ paṭisandhikkhaṇe cittasamuṭṭhānā ca nocittasamuṭṭhānā ca āhārā sampayuttakānaṃ khandhānaṃ kaṭattā ca rūpānaṃ āhārapaccayena paccayo.