[๑๙๐๓] อรณํ อนิทสฺสนสปฺปฏิฆํ ธมฺมํ ปฏิจฺจ อรโณ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา: ฯ

[๑๙๐๔] เหตุยา เอกํ อธิปติยา เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

[๑๙๐๕] สรณํ อนิทสฺสนอปฺปฏิฆํ ธมฺมํ ปฏิจฺจ สรโณ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา: ตีณิ ฯ อรณํ อนิทสฺสนอปฺปฏิฆํ ธมฺมํ ปฏิจฺจ อรโณ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา: ฯ สรณํ อนิทสฺสนอปฺปฏิฆญฺจ อรณํ อนิทสฺสนอปฺปฏิฆญฺจ ธมฺมํ ปฏิจฺจ อรโณ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา: ฯ

[๑๙๐๖] เหตุยา ปญฺจ อารมฺมเณ เทฺว อวิคเต ปญฺจ ฯ สหชาตวาโรปิ สมฺปยุตฺตวาโรปิ วิตฺถาเรตพฺพา ฯ