[๖๖๗] กุสลํ อาสววิปฺปยุตฺตํ สาสวํ ธมฺมํ ปฏิจฺจ กุสโล อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา: ตีณิ ฯ อกุสลํ อาสววิปฺปยุตฺตํ สาสวํ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา: ฯ อพฺยากตํ อาสววิปฺปยุตฺตํ สาสวํ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา: ฯ กุสลํ อาสววิปฺปยุตฺตํ สาสวญฺจ อพฺยากตํ อาสววิปฺปยุตฺตํ สาสวญฺจ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา: ฯ อกุสลํ อาสววิปฺปยุตฺตํ สาสวญฺจ อพฺยากตํ อาสววิปฺปยุตฺตํ สาสวญฺจ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา: ฯ

[๖๖๘] เหตุยา สตฺต อารมฺมเณ เทฺว อวิคเต สตฺต ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๖๖๙] กุสโล อาสววิปฺปยุตฺโต สาสโว ธมฺโม กุสลสฺส อาสววิปฺปยุตฺตสฺส สาสวสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล อาสววิปฺปยุตฺโต สาสโว ธมฺโม อพฺยากตสฺส อาสววิปฺปยุตฺตสฺส สาสวสฺส ธมฺมสฺส เหตุปจฺจเยน ปจฺจโย: ฯ อพฺยากโต อาสววิปฺปยุตฺโต สาสโว ธมฺโม อพฺยากตสฺส อาสววิปฺปยุตฺตสฺส สาสวสฺส ธมฺมสฺส เหตุปจฺจเยน ปจฺจโย: ฯ

[๖๗๐] เหตุยา ปญฺจ อารมฺมเณ นว อธิปติยา จตฺตาริ อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ